దిల్ రాజు హ్యాండిచ్చాడా?

అబ్బాయితో అమ్మాయి…ఈ నెలలో విడుదలవుతున్న చిన్న సినిమాల్లో కాస్త పాజిటివ్ బజ్ వున్న సినిమాల్లో ఇదొకటి. 24న విడుదలకు రెడీ అవుతున్న ఈ సినిమాలో నాగశౌర్య హీరో. రమేష్ వర్మ కథానాయకుడు. శ్యామ్ కే నాయుడు, ఇళయరాజా వంటి ఉద్దండులు వర్క్ చేసారీ సినిమాకు. అయితే ఇప్పుడు ఈ సినిమాకు అనుకోని కష్టం ఎదురైనట్లు వినికిడి. 

ఈ సినిమాకు ముందుగానే అమ్మకాలు అయిపోయాయి. టేబుల్ ప్రాఫిట్ చేసుకున్నారు. థియేటర్లు ముందుగానే ఒకె చేసేసుకున్నారు. కానీ తీరా చేసి ఇప్పుడు కాంపిటీషన్ పెరిగిపోయింది. దాదాపు అయిదు సినిమాలు విడుదలకు రెడీ అవుతున్నాయి. వీటిల్లో భలే మంచి రోజు ఒకటి. సుధీర్ బాబు నటిస్తున్న ఈ సినిమాకు కూడా మంచి పాజిటివ్ బజ్ వుంది. 

దీంతో నైజాంలో దిల్ రాజు ఈ సినిమాకు సపోర్టుగా నిలిచాడని వినికిడి. ఆయన థియేటర్లు అన్నీ భలే మంచి రోజుకు వెళ్లిపోతున్నాయని తెలుస్తోంది. దీంతో ఇప్పుడు అబ్బాయితో అమ్మాయి సినిమాకు నైజాంలో థియేటర్ల సమస్య ఎదురవుతోందని వినికిడి. ఇప్పుడు ఆ డ్యామేజ్ కంట్రోల్ లో బిజీగా వున్నారట. భలే మంచి రోజు, అబ్బాయితో అమ్మాయి సినిమాల కు థియేటర్ల పరిస్థితి అలా వుంటే మిగిలిన సినిమాల సంగతేమిటో?