మహేష్‌తో ఇద్దరికి లాభం

‘ఆగడు’ వస్తుందని చాలా మంది హీరోలు, నిర్మాతలు తెగ భయపడిపోయారు. ఆ సినిమాకి అటు, ఇటు ఏ చిత్రం లేకుండా జాగ్రత్త తీసుకోవాలని అనుకున్నారు. ఆగడు కనుక అంచనాలని అందుకుంటే ఇక దానితో పాటుగా వచ్చిన సినిమాల పని ఆంఫట్‌ అని ట్రేడ్‌ వర్గాల వారు కూడా హెచ్చరించారు. అయితే ఇదంతా సినిమా హిట్‌ అయినప్పటి సంగతి.
    
కానీ ఆగడు దారుణమైన పరాజయాన్ని చవిచూడడంతో ఇప్పుడు మిగతా సినిమాలకి దీంతో లాభం వస్తోంది. పవర్‌ సినిమాకి రెండో వారంలో కలెక్షన్లు రావడం కష్టమనుకుంటే… ఆ చిత్రానికి మైలేజ్‌ పెంచింది ఆగడు ఫలితం. ఇప్పుడు గోపీచంద్‌ చిత్రానికి కూడా పరోక్షంగా ఆగడు హెల్ప్‌ అవుతోంది. ‘గోవిందుడు అందరివాడేలే’ వచ్చే వరకు షేర్‌ రాని ఆగడుని ఎలా మోయాలో తెలీక తికమక పడుతోన్న ఎగ్జిబిటర్లకి లౌక్యం దొరికింది. 
    
ఆగడుని లౌక్యం చాలా సైడ్‌ థియేటర్లలో ఈ శుక్రవారం నుంచి రీప్లేస్‌ చేస్తుంది. మిగతా సైడ్‌ థియేటర్లు ఏమైనా ఉంటే అవి కూడా గోవిందుడు సినిమాకి వెళ్లిపోతాయి. మహేష్‌ ఫ్లాప్‌ వల్ల ఎంతమంది నష్టపోయారనేది పక్కనపెడితే రవితేజ, గోపీచంద్‌కి మాత్రం ఆగడు పరాజయం మాబాగా కలిసొచ్చేసింది.