Epaper
ఈ ఏడాదిలో కొందరు స్టార్‌ హీరోలతో పాటు ఎక్కువ సినిమాలు విడుదలైన కొందరు యువ హీరోలకి కూడా కాలం కలిసి రాలేదు. మహేష్‌బాబు నటించినవి రెండు సినిమాలు విడుదల కాగా, రెండూ భారీ పరాజయాలు చవిచూసాయి. 1 నేనొక్కడినే, ఆగడు సినిమాలతో నిర్మాతలు, బయ్యర్లు భారీగానే నష్టపోయారు. ఎన్టీఆర్‌కి రభసతో పెద్ద షాక్‌ తగిలింది.
యువ హీరో నానికి మర్చిపోతగ్గ సంవత్సరమిది. ఒకే నెలలో వచ్చిన పైసా, ఆహా కళ్యాణం ఫ్లాప్‌ అవడమే కాకుండా నాని కెరీర్‌ని ప్రశ్నార్ధకం చేసాయి. అల్లరి నరేష్‌ కష్టాలు ఈ ఏడాదిలో రెట్టింపయ్యాయి. అతను నటించిన మూడు సినిమాలు ఫ్లాప్‌ అయి నరేష్‌ మార్కెట్‌ని అతలాకుతలం చేసాయి.
మూడు రిలీజ్‌లున్నా కానీ సాయికుమార్‌ తనయుడు ఆదికి విజయం దక్కలేదు. వరుణ్‌ సందేశ్‌ సినిమాలు వస్తున్న సంగతి కూడా ఎవరూ పట్టించుకోవడం లేదు. ఇలాగే పలువురు హీరోలకి 2014 చేదు జ్ఞాపకాల్ని మిగిల్చింది. వచ్చే ఏడాదిలో దీనిని మరిపించే విజయాలు సాధించాలని వీరంతా బాగా కష్టపడుతున్నారు.