రెండు సినిమాలకు మైనస్ లు?

ఎంత  ధైర్యంగా ఒకదానితో ఒకటి పోటీ పడుతూ విడుదలవుతున్నా కూడా ముకుంద, చినదాన నీకోసం సినిమాలకు లోలోపల కాస్త వర్రీగానే వుందని టాలీవుడ్ ఇన్ సైడ్ వర్గాల బోగట్టా. దేని మైనస్ లు దానికి వుండడమే ఇందుకు కారణమని తెలుస్తోంది. ముకుంద సినిమా చాలా స్లొ నేరేషన్ అని, హీరో కూడా పెద్దగా ప్లస్ కాదని టాక్. ఇక చినదాన నీకోసం ఫస్టాఫ్ ఓకె కానీ సెకండాఫ్ తో సమస్య అని  వినిపిస్తోంది. సెకండాఫ్ ఏమాత్ర పాసైపోయినా సినిమాకు ఢోకా వుండదంటున్నారు.

ఇక రెండు సినిమాలకు పబ్లిసిటీ వీకే. అసలు ఓ మెగాహీరో తొలి సినిమా అన్నంత హడావుడి కనిపించడం లేదు. ముకుంద వరకు చూసుకుంటే మీడియాకు కాస్త స్టిల్స్ ఇవ్వడం, హీరో ఇంటర్వూ తప్ప హడావుడి లేదు.

చినదాన అయితే అసలు మీడియా పబ్లిసిటీని వదిలేసినట్లే కనిపిస్తోంది. చినదాన చిత్రాలు, సమాచారం, వ్యవహారం మీడియాకు ఏమీ అందడం లేదు.