Epaper
అమితాబ్ లెవెల్ నటుడితో సినిమాలు తీసిన దర్శకుడు రామ్ గోపాల్ వర్మ. ఇప్పుడు నందు, నవదీప్ ల లెవెల్ కు దిగిపోయాడు. అలాంటి దర్శకుడు ఇప్పుడు మళ్లీ విష్ణు, జగపతి బాబుతో కలిసి సినిమా చేస్తున్నాడట. అంటే ఓ విధంగా మళ్లీ రౌడీ తరువాత కాస్త పెద్ద సినిమా చేస్తున్నట్లే అనుకోవాలి.
జగపతి బాబుతో సమస్య ఏమీ లేదు. డైరక్టర్ ఎవరిన్నది అనవసరం..క్యారెక్టర్ బాగుండాలి..క్యాష్ ఓకే కావాలి. విష్ణు ఫ్యామిలీ..ఫ్యామిలీని పట్టేసాడు వర్మ. రౌడీ,.అనుక్షణం చేసినందుకు బోనస్ గా లక్ష్మీ మంచు పాదాలపై షార్ట్ ఫిలిం చేసి పెట్టాడు. మరో సినిమా మోహన్ బాబుతో వుంటుదనుకున్నారు. కానీ ఎందుకో దాన్ని మరిచిపోయారు.
ఈలోగా ఐస్ క్రీమ్ 2, సావిత్రి/శ్రీదేవి అంటూ థర్డ్ గ్రేడ్ సినిమాలపై పడ్డాడు. దాంతో ఇక పెద్ద సినిమాలు వదిలేసాడేమో అనుకుంటే ఇప్పుడు ఈ కొత్త ప్రాజెక్టు బయటకు వచ్చింది. వర్మ బుర్రలో అవతలి వాళ్లను ఒడుపుగా వప్పించగల తెలివితేటలన్నా వుండి వుండాలి లేదా..అదృష్టమన్నా వుండి వుండాలి. లేదంటే. ఒక్క హిట్ లేకుండా ఇన్ని సినిమాలు ఎలా సాధ్యం?