శృతి ఫిక్స్..దస్తూర్, రకుల్ ఆన్ ది వే

నాగ చైతన్య ప్రేమమ్ తెలుగు వెర్షన్ కు..శృతి హాసన్ ఒకె అయిపోయింది. అనుపమ పరమేశ్వర్ ముందే ఫిక్స్ అయిపోయింది. కానీ మధ్యలో అనుకున్న 'లోఫర్' హీరోయిన్ దిశా పటాని మాత్రం డవుట్ గా వుంది. ప్రేమమ్ సినిమాకు ముగ్గురు హీరోయిన్లు. ఇప్పుడు దిశా పటాని ప్లేస్ లో అనేకుడు సినిమాలో ధనుష్ సరసన నటించిన అమ్యరా దస్తూర్ పేరు పరిశీలనలోకి వచ్చింది. 

అదే సమయంలో రకుల్ ప్రీత్ సింగ్ పేరు కూడా ఆల్టర్ నేటివ్ గా వుంది. ఇటు దస్తూర్ లేదా, రకుల్ పేరు ఫిక్స్ అయిపోతే, ముగ్గురు హీరోయిన్లు రెడీ అయిపోయినట్లే. ఇప్పటికే విశాఖలో, గోవాలో లోకేషన్లు ఫిక్స్ అయిపోయాయి. నవంబర్ నుంచి సెట్ మీదకు వెళ్లడానికి సన్నాహాలు జరుగుతున్నాయి. దర్శకుడు చందు మొండేటి..తెలుగు స్క్రిప్ట్ పనిలో బిజీగా వున్నారు.