బాహుబలిపై ఇప్పటికీ అనుమానమా?

జూలై 10న బాహుబలి వస్తుందా? అన్నది ఇప్పటికీ అనుమానంగానే వుందని టాక్. తిరుపతిలో అడియో ఫంక్షన్ స్టేజ్ మీద జనాల ముందు, ప్రభాస్, రాజమౌళిని అడగడం, ఆయన చెప్పిన మేరకు, జూలై 10 ప్రకటించడం జరిగిపోయింది. 

బాహుబలి ముందు వారం, తరువాత కనీసం నాలుగు వారాలు వదిలేయాల్సిన పరిస్థితి వుంటుందని ట్రేడ్ వర్గాల అంచనా. బాహుబలి అనే కాదు, ఆ రేంజ్ సినిమా, ఆ రేంజ్ హైప్ తెచ్చుకున్న సినిమా ఏది వచ్చినా ఇదే పరిస్థితి అని వారి అయిడియా.  

అయినా కూడా విష్ణు డైనమేట్ సినిమాను 3న ప్రకటించేసాడు. మహేష్ శ్రీమంతుడు 15 ఫిక్స్ కావచ్చు అంటున్నారు. దీన్ని బట్టి చూస్తుంటే వీరందరికీ ఇంకా బాహుబలి విడుదలపై అనుమానం వున్నట్లే వుంది. బహుశా అందుకనే రుద్రమదేవి కూడ ఇంకా ముందు వెనుకలాడుతోందేమో?