Epaper
అక్కినేని అఖిల్‌ హీరోగా తెరంగేట్రం చేస్తున్న సినిమా శరవేగంగా షూటింగ్‌ జరుపుకుంటోంది. విదేశాల్లో ఓ పాట చిత్రీకరణ జరుగుతుండగా తీసిన వీడియో సోషల్‌ మీడియాలో హల్‌చల్‌ చేస్తోంది. అక్కినేని కుటుంబం నుంచి వస్తోన్న హీరో కావడంతో అఖిల్‌ మీద అక్కినేని అభిమానుల్లో హై ఎక్స్‌పెక్టేషన్స్‌ వున్నాయి.
డాన్సుల పరంగా చూస్తే అక్కినేని హీరోలు కాస్త వీక్‌ అనే చెప్పాలి. ఆ లోటుని అఖిల్‌ భర్తీ చేస్తాడని అక్కినేని అభిమానులు విశ్వసిస్తున్నారు. ఇక, సోషల్‌ మీడియాలో హల్‌చల్‌ చేస్తున్న వీడియో, ఫొటోలు.. అందులో అఖిల్‌ సిగ్నేచర్‌ స్టెప్స్‌ అక్కినేని అభిమానులకు ఓ రేంజ్‌లో కిక్‌ ఇస్తున్నాయనే చెప్పాలి.
వినాయక్‌ దర్శకత్వంలో హీరో నితిన్‌ నిర్మిస్తున్న ఈ సినిమాలో అక్కినేని అఖిల్‌ సరసన సయేషా సెహగల్‌ హీరోయిన్‌గా నటిస్తున్న విషయం విదితమే. అనూప్‌, తమన్‌ సంయుక్తంగా ఈ చిత్రానికి సంగీతం అందిస్తున్నారు. సెప్టెంబర్‌లో సినిమాని విడుదల చేసేందుకు సన్నాహాలు చేస్తున్నారు.