పద్మశ్రీపై కన్నేసిన నటుడు?

ఒకప్పుడు హీరోగా కాస్త వెలుగు వెలిగి, ఇప్పుడు క్యారెక్టర్ వేషాలు, అప్పుడప్పుడు విలన్ వేషాలు వేసిన హీరో ఒకరు పద్మశ్రీ అవార్డు ఎలా సాధించాలా అని ఆలోచిస్తున్నట్లు తెలుస్తోంది. ఆయనా నటుడుగా..అందుకే ఆయనకూ అభిమానులున్నారు. వాళ్లు తమ అభిమాన నటుడికి పద్మశ్రీ రావాలంటే ఏం చేయాలి అని ఆలోచిస్తున్నారట. 

తెలుగు రాష్ట్రాల కోటాలోనా, పక్క రాష్ట్రం కోటాలోనా, ఎవర్ని పట్టుకుంటే లిస్ట్ లో పేరు చేరుతుంది అని విచారణ చేస్తున్నారట. అయితే లిస్ట్ లో పేరు చేరితే సరిపోదు..దానికి కేంద్రంలో పెద్దల సిఫార్సులు మళ్లీ అవసరం..అవి ఎలా సాధించాలి అని కూడా చూస్తున్నారట. ఈ నటుడు త్వరలో రాజకీయాల్లోకి  చేరతారని కూడా టాక్ వుంది. 

అందువల్ల భాజపాకు ఆ రూట్ లో సమాచారం అందిస్తే ఎలా వుంటుంది అని కూడా ఆలోచిస్తున్నారట.  కాకలు తీరిన విఖ్యాత నటుడు కైకాల సత్యనారాయణకే ఇంతవరకు పద్మశ్రీ లేదు. మరి ఆయన అనుభవంలో సగం వుండని నటుడిని వరిస్తుందా? ఏమో సిఫార్సులు వుంటే ఏమైనా సాధ్యమే కదా?