శ్రీను వైట్ల లేకుండా ఢీ 2?

మంచు విష్ణుకు భలే అయిడియాలు వస్తుంటాయి. వచ్చాయా అంటే వెంటనే అమలు అయిపోతాయి. ఇప్పుడు ఢీ 2 తీయాలని అనుకుంటున్నడట. అంటే మళ్లీ అదే శ్రీనువైట్ల ఫార్ములా లాంటి కథ తీసుకుని, అందులోకి కొన్ని ఢీ 2 క్యారెక్టర్లను తీసుకువచ్చి, కొత్తగా చేయాలని. అయితే ఇప్పుడు శ్రీనువైట్ల పెద్ద హీరోలతో సినిమాలు చేస్తున్నాడు కాబట్టి ఈ ప్రాజెక్టుకు రాకపోవచ్చు. అందుకనే ఓ కోత్త డైరక్టర్ తో చేయాలని విష్ణు అనుకుంటున్నాడట,.

అయితే ఢీ ఫస్ట్ పార్ట్ నుంచి తీసుకురావాల్సినంత అధ్భుతమైన క్యారెక్టర్లలో శ్రీహరి ఇప్పుడు లేరు. జెనీలియా చేయడం లేదు. ఇక మిగిలింది బ్రహ్మీ. అది మాత్రం గ్యారంటీగా పండే పాత్రనే. ఇవన్నీ అలా వుంచితే, ఈ శ్రీనువైట్ల ఫార్ములా అరిగి,.అరిగి..కరిగిపోయింది. జనాలు కూడా విసుగెత్తారు. ఇటీవల జోరు కూడా అలాంటిదే. పైగా ఆ మధ్య చేసిన ఒకటి రెండు సినిమాలు కూడా అలాంటివే. మరి ఇప్పుడు ఈ నేపథ్యంలో ఢీ 2 అవసరమా?