Epaper
చిన్న సినిమాలకి పెద్ద హీరోయిన్‌ అనిపించుకుంటోన్న రెజీనా కసాండ్రా వచ్చే వారం ‘పిల్లా నువ్వు లేని జీవితం’తో మళ్లీ మన ముందుకి వస్తోంది. చిరంజీవి మేనల్లుడు సాయి ధరమ్‌ తేజ్‌కి ఇదే మొదటి రిలీజ్‌. ఈ కుర్రాడికి దిల్‌ రాజు ప్లస్‌ మెగా ఫ్యామిలీ ఇచ్చిన హైప్‌ని బట్టి ఈ చిత్రంపై మెగా అభిమానులు ఆసక్తి చూపిస్తున్నారు.
ఇదిలావుంటే ఇదే జంటతో ఆల్రెడీ ఇంకో సినిమా ఖరారైంది. సాయి ధరమ్‌ తేజ్‌తో హరీష్‌ శంకర్‌ డైరెక్ట్‌ చేస్తోన్న చిత్రంలో హీరోయిన్‌గా రెజీనానే ఎంపికైంది. దిల్‌ రాజు నిర్మిస్తోన్న ఈ చిత్రంలో హీరోయిన్‌ పాత్రకి కొత్త వాళ్లకోసం ప్రయత్నించారు కానీ మళ్లీ రెజీనానే రిపీట్‌ చేయాలని డిసైడ్‌ అయ్యారు.
స్టార్‌ హీరోలని డైరెక్ట్‌ చేసిన హరీష్‌ శంకర్‌తో పని చేయడం పట్ల ఈ ఇద్దరూ హ్యాపీగా ఉన్నారు. ప్రస్తుతానికి ఇంకా లో బడ్జెట్‌, మిడ్‌-రేంజ్‌ హీరోయిన్‌గానే ఉన్న రెజీనా ఈ సినిమాలతో నెక్స్‌ట్‌ లెవల్‌కి వెళ్లగలదేమో చూడాలి. రవితేజతో చేసిన పవర్‌తో ఆమె కెరీర్‌కి అనుకున్నంత ఊపు రాలేదు మరి.