‘ఊహలు’ బాగానే వున్నాయి

కొన్ని సినిమాలపై కొన్ని రకాల అంచనాలు విడుదలకు ముందే వస్తాయి. పెద్ద హీరోల మాస్ మసాలా సినిమాలకు సహజంగానే హైప్ లు అనుకోకుండా వస్తాయి. మరికొన్ని సినిమాలకు క్లాస్ టచ్ అనుకోకుండానే వస్తుంది. ఇప్పుడు ఇలాంటి టాక్ విడుదలకు ముందే సంపాదించుకున్న సినిమా 'ఊహలు గుసగుసలాడే'. 

నిజానికి ఓ కొత్త దర్ళకుడి సినిమాకు విడుదలకు ముందు కాస్త క్రేజ్ రావడం అరుదు. కానీ ఈ సినిమా ట్రయిలర్లు, విజువల్స్, అడియో జనాల్లో ఆసక్తి కలిగించడంతో మల్టీఫెక్స్ ఆడియన్స్ లో కాస్త క్రేజ్ సంతరించుకుంది. దీనికి తోడు సెన్సార్ రిపోర్టు కూడా పాజిటివ్ గానే వుంది. 

వెంకట్ దిలీప్ ఫోటోగ్రఫీ, కళ్యాణి కోడూరి సంగీతం పై దర్శకుడు శ్రీని అవసరాల హోప్ ఎక్కువగా వుంది. ఓ కొత్త దర్శకుడిని నమ్మి, చిన్న సినిమాను పెద్దగా తీసిన సాయి కొర్రపాటి శ్రమ ఏ మేరకు ఫలితం ఇస్తుందో, మరోరెండు రోజుల్లో తెలిసిపోతుంది.