ఎవరి విడుదల వారిది

టెంపర్ సినిమా ఆడియో ఫంక్షన్ 28న ప్లాన్ చేసారు. భారీగా, అట్టహాసంగా చేయాలనుకుంటున్నారు. ఈలోగా నిర్మాత బండ్ల గణేష్ తన విడదల తాను కానిచ్చేసారు. ఆయనకు దైవ భక్తి ఎక్కువ. సెంటిమెంట్లు అంతకన్నా ఎక్కువ. 

అందుకే తన కుటుంబం ఎక్కువగా నమ్మే ఓ శివాలయంలో ఈ ఉదయం టెంపర్ సిడి తీసుకెళ్లి పూజలు జరిపించారు. ఆ విధంగా పుణ్య తిథి అయిన రథసప్తమి నాడు ఆడియో విడుదల అయిందనిపించేసారు. పైగా 28 వ తేదీ నవమి అయింది. అంత మంచిది కాదని భావించినట్లున్నారు. 

అందుకే ఈ రోజు ఆయన ఆడియో విడుదల ఆయన కానిచ్చేసారు. 28న అభిమాన జనం కోసం అసలైన ఆడియో విడుదల భారీగా కానిచ్చేస్తారు.