Epaper
బ‌సంతి విష‌యంలో బ్రహ్మానందం తీసుకొంటున్న కేర్ చూస్తుంటే అంద‌రికీ ముచ్చటేస్తోంది. చిరంజీవి, మ‌హేష్ బాబు, ఎన్టీఆర్‌, బ‌న్నీ, చ‌ర‌ణ్, ప్ర‌భాస్, రాజ‌మౌళి…. వీళ్లంద‌రితో పాట‌లు, ప్రచార చిత్రాలు విడుద‌ల చేయించాడు బ్రహ్మీ. ఆడియో కార్యక్రమానికి ప‌వ‌న్ క‌ల్యాణ్‌ని తీసుకొచ్చి, ఈ సినిమా గురించి అంద‌రూ మాట్లాడుకొనేలా చేశాడు. ఓ తండ్రిగా తాను ఏం చేయ‌గ‌ల‌డో అన్నీ చేస్తున్నాడు.
అయితే.. తెర వెనుక ఈ సినిమాకి డ‌బ్బులు పెట్టిన నిర్మాత కూడా బ్రహ్మానంద‌మే అని టాలీవుడ్‌టాక్‌. ఈ సినిమాకి ద‌ర్శకుడు చైత‌న్య దంతులూరి నిర్మాత కూడా. అయితే.. సింహ‌భాగం స‌ర్దింది మాత్రం బ్రహ్మానంద‌మే. సినిమా మొద‌లైన‌ప్పుడు పైసా ఇవ్వక‌పోయినా – సినిమా న‌డుస్తున్న విధానం చూసి, సినిమాపై న‌మ్మకం పెరిగి… పెట్టుబ‌డి స‌ర్దాడ‌ని, అందుకే ఇప్పుడు ఇంత హంగామా చేస్తున్నాడ‌ని చెప్పుకొంటున్నారు.
బ్రహ్మానందం డ‌బ్బుల ద‌గ్గర మ‌హా పిసినారి అని ఈ సినిమాకి పైసా పెట్టుబ‌డి పెట్టే ఛాన్సే లేద‌ని బ్రహ్మీ గురించి బాగా తెలిసిన ద‌గ్గరి మ‌నుషులు చెబుతున్నారు. ఇందులో ఏది నిజ‌మో ఇక్కడి బ్రహ్మీకీ, అక్కడ బ్రహ్మకీ తెలియాలంతే.