Epaper
మంచు లక్ష్మి హోస్ట్ గా ఆ మధ్య మేము సైతం అంటూ ఓ టీవీ కార్యక్రమం వచ్చింది. ఇది ఒక విధంగా ఛారిటీ షో. ఈ కార్యక్రమానికి వచ్చిన వారు ఏదో విధంగా కొంత మొత్తం సేకరిస్తే, కొంతమంది బాధితులను ఎంపిక చేసి, ఆ మొత్తాన్ని అందిస్తారు. వ్యదార్థ జీవితుల యదార్థ దృశ్యాలు తెరపైకి తీసుకువచ్చి, వారికి సాయం అందేలా చేసింది ఈ షో.
చాలా వరకు ఈ షో క్లిక్ కావడంతో రెండో సీజన్ ను స్టార్ట్ చేస్తున్నారు హీరోయిన్ మంచు లక్ష్మి. తొలి సీజన్ లో చాలా మంది సినిమా సెలబ్రిటీలు హుషారుగా పాల్గొని రకరకాల వ్యాపారాలు ఒక రోజులో చేసి, అలా వచ్చిన మొత్తాన్ని షో కి అందించారు. పానీ పూరీ, హాట్ చాట్, కూరగాయలు అమ్మడం, ఇలా రకరకాలుగా ఈ షో లో కార్యక్రమాలు సాగాయి.
ఇప్పుడు సెకెండ్ సీజన్ స్పెషల్ అట్రాక్షన్ ఏమిటంటే, నందమూరి బాలకృష్ణతో ఈ సెకెండ్ సీజన్ ఫస్ట్ ఎపిసోడ్ ప్రారంభం కావడం. మంచు ఫ్యామిలీ అంటే నందమూరి బాలయ్యకు ప్రత్యేకమైన అభిమానం. ఆ అభిమానంతోనే ‘ఊ కొడతారా? ఉలిక్కిపడతారా?’ సినిమా కూడా చేసారు. వరుస సినిమాలతో ఊపు మీద వున్న బాలయ్య ఇప్పుడు ఈ షో లో పాల్గొనడానికి సై అన్నారని తెలుస్తోంది.
మరి బాలయ్య ఇలాంటి షో లోకి రావడం అంటే భలేగా వుంటుంది. ఆయన అస్సలు భేజషం లేకుండా, భోళాగా తనకు తొచినది చేస్తారు. మాట్లాడతారు. మరి బాలయ్య విరాళాల సేకరణకు ఏ మార్గం ఎంచుకుంటారో? అన్నది కాస్త ఆసక్తి కరమే. ఇడ్లీలు దోసెలే అమ్ముతారో? ఆటోగ్రాఫ్ లే ఇస్తారో? ఇంకేం చేస్తారో? చూడాలి.