మారుతికి దర్శకేంద్రుడి అభినందన

మహానుభావుడు సినిమా విషయంలో దర్శకుడు మారుతికి మరో మంచి అభినందన లభించింది. దర్శకేంద్రుడు రాఘవేంద్రరావు మహానుభావుడు సినిమా చూసి మారుతిని స్వయంగా అభినందించారు.

రెండు రోజుల క్రితం మహానుభావుడు సినిమాను రాఘవేంద్రరావు చూసారు. ఈ రోజు మారుతికి స్వయంగా ఫోన్ చేసి, రమ్మని ఆహ్వానించారు.  

మహానుభావుడు సినిమా చూసానని, చిన్న పాయింట్ ను ఫుల్ లెంగ్త్ ఎలా డీల్ చేస్తారో అనుకన్నానని, విశ్రాంతికే సినిమా సబ్జెక్ట్ అయిపోతుంది అనుకున్నానని, అయితే ఆ తరువాత కూడా సినిమాను నడిపిన తీరు బాగుందని రాఘవేంద్రరావు అభినందించారట.

సీనియర్ దర్శకుడు మాత్రమే కాకుండా, కమర్షియల్ ప్లస్ ఫ్యామిలీ చిత్రాల్లో అందెవేసిన చేయిలాంటి దర్శకేంద్రుడు స్వయంగా పిలిచి అభినందించడంతో దర్శకుడు మారుతి ఫుల్ హ్యాపీగా ఫీలవుతున్నారు.