మరో వందకోట్ల సినిమా రంగస్థలం

ఈ మధ్య పెద్ద హీరోల సినిమాలు అన్నీ వందకోట్ల రేంజ్ కు చేరిపోతున్నాయి. హీరో రామ్ చరణ్ లేటెస్ట్ మూవీ రంగస్థలం బిజినెస్ కూడా వంద కోట్ల రేంజ్ ను చేరుకునేలాగే కనిపిస్తోంది. ఈ సినిమా ఆల్ లాంగ్వేజెస్ శాటిలైట్, అండ్ డిజిటల్ రైట్స్ కే భయంకరమైన రేటు పలుకుతోంది. అన్ని భాషలు, అన్ని రకాల శాటిలైట్, డిజిటల్, ఆడియోలు కలిపి 30కోట్లకు పైనే పలుకుతున్నట్లు తెలుస్తోంది.

ఇక ఆంధ్ర, సీడెడ్, నైజాంల బిజినెస్ ఆఫర్లు ఈ మధ్య వస్తున్న పెద్ద సినిమాలు అన్నింటితో చూసుకుంటే, 60 నుంచి 70కోట్ల రేంజ్ లో వుండే అవకాశం వుంది. ఇక ఓవర్ సీస్, కర్ణాటక, అదర్ ఏరియాలు వుండనే వున్నాయి. అందువల్ల అన్నీ కలిసి వంద కోట్లకు పైగా బిజినెస్ అందించే అవకాశం క్లియర్ గా కనిపిస్తోంది.

సుకుమార్ డైరక్షన్ లో మైత్రీ మూవీస్ నిర్మిస్తున్న ఈ సినిమాలో చరణ్ సరసన సమంత నటిస్తోంది. జూబ్లీ హిల్స్ బూత్ బంగ్లా దగ్గర వేసిన భారీ విలేజ్ సెట్ లో ఇటీవలే ఓ లాంగ్ షెడ్యూలు పూర్తి చేసుకున్నారు. మరో వారం తరువాత ఇంకో షెడ్యూలు ప్రారంభమవుతుంది. ప్రీ సమ్మర్ టైమ్ లో విడుదలకు రెడీ చేస్తున్నారు ఈ సినిమాను. ఈ సినిమా 1985 నాటి నేపథ్యంలో నడుస్తుంది.