పెళ్లికి ముందే పని పూర్తిచేసిన సమంత

ఓ వైపు పెళ్లి పెట్టుకొని, మరోవైపు సుకుమార్ సినిమాకు కాల్షీట్లు ఇవ్వడమంటే కత్తిమీద సామే. ఎందుకంటే మూవీ మేకింగ్ లో సుకుమార్ స్టయిల్ ఏంటో మనందరికీ తెలిసిందే. పర్ఫెక్షన్ కోసం తీస్తూనే ఉంటాడు. సో… నాగచైతన్యతో పెళ్లి తర్వాత కొన్ని రోజులు గ్యాప్ తీసుకొని తిరిగి రంగస్థలం మూవీని సమంత స్టార్ట్ చేస్తుందని చాలామంది భావించారు.

కానీ రంగస్థలం సినిమాకు సంబంధించి సమంత పార్ట్ కంప్లీట్ అయింది. ఈ విషయాన్ని స్వయంగా దర్శకుడు సుకుమార్ ప్రకటించాడు. హైదరాబాద్ లో వేసిన సెట్ తో పాటు బూత్ బంగ్లాలో తీసిన భారీ ఎపిసోడ్ తో సమంత పార్ట్ షూటింగ్ కంప్లీట్ అయిపోయిందని సుకుమార్ ప్రకటించాడు.

అవసరం అనుకుంటే పెళ్లి తర్వాత మరో 3రోజులు కాల్షీట్లు ఇవ్వడానికి సమంత ఒప్పుకుందని అంటున్నాడు. ఇక మూవీ కూడా నవంబర్ ఎండింగ్ నాటికి కంప్లీట్ అయిపోతుందని చెప్పిన సుకుమార్.. సంక్రాంతికి మూవీని విడుదల చేసే అంశంపై ఇంకా నిర్ణయం తీసుకోలేదంటున్నాడు.