వెనక్కు వెళ్తున్న జవాన్?

సాయి ధరమ్ తేజ-బివిఎస్ రవి కాంబినేషన్ లో తయారవుతున్న సినిమా జవాన్. ప్రొడక్షన్ సైడ్ నుంచి ప్రొడ్యూసర్ గా మారి కృష్ణ నిర్మిస్తున్న సినిమా. వాస్తవానికి ఈ సినిమాను సెప్టెంబర్ 1న విడుదలకు ఫిక్స్ చేసారు. కానీ ఇప్పుడు అది దాదాపు నెల రోజులు వెనక్కు వెళ్తున్నట్లు బోగట్టా. వెనక్కు వెళ్లడానికి కారణాలు సినిమా వర్క్ పూర్తి కాకపోవడమా? లేక అదే రోజును అనుకోకుండా బాలయ్య బాబు పైసా వసూల్ సినిమా  విడుదల ప్లాన్ చేయడమా అన్నది ఇంకా క్లియర్ కాలేదు.

పూరి-బాలకృష్ణ కాంబినేషన్ లోని పైసా వసూల్ దసరా బరి నుంచి ఏకంగా మూడు వారాలు ముందుకు వచ్చేసింది. అందువల్లనా లేదా, వర్క్ ఫినిష్ కాకనా, మొత్తానికి జవాన్ సినిమాను సెప్టెంబర్ 29 లేదా అక్టోబర్ 1న విడుదల చేయాలని ఆలోచిస్తున్నట్లు తెలుస్తోంది.

సాయి ధరమ్ తేజ కు జవాన్ హిట్ అన్నది ప్రాణావసరం. ఇటీవల అతగాడి లైనప్ అంతగా బాగా లేదు. ఈ సినిమా ఓకె అనిపించుకుంటే, ఆ తరువాత వచ్చే వివి వినాయక్ సినిమా, మారుతి సినిమా లకు ప్లస్ అవుతుంది. 

ఇదిలా వుంటే, జవాన్ వాయిదా పడడంతో బాలయ్య సినిమాకు లక్ కలిసి వచ్చినట్లే. సోలోగా రావడం, పైగా ఆ తరువాత మూడు వారాల వరకు సరైన సినిమా లేకపోవడం రెండూ కలిసి వచ్చే పాయింట్లే.