Epaper
పాపం, ఇస్మార్ట్ శంకర్ సినిమా బ్లాక్ బస్టర్ కావడం, ఆకాష్ పూరికి సమస్య అయిపోయింది. కొడుకు తో చేస్తున్న సినిమాను కాస్త పక్కన పెట్టి పాన్ ఇండియా సినిమా మీదకు వెళ్లిపోయారు పూరి జగన్నాధ్.
ఇలాంటి నేపథ్యంలో ఈ లోగా మరో సినిమాను స్టార్ట్ చేసాడు ఆకాష్ పూరి. గతంలో జార్జిరెడ్డి సినిమా అందించిన దర్శకుడు జీవన్ రెడ్డి డైరక్షన్ లో ఓ సినిమా కు ఇవ్వాళ క్లాప్ పడింది.
ఆకాష్ పూరీ, జీవన్ రెడ్డి కాంబినేషన్ చిత్రానికి “చోర్ బజార్” అనే టైటిల్ ను ఖరారు చేశారు. దొంగిలించిన వస్తువులన్నీ చోర్ బజార్ కు చేరుతుంటాయి. అయితే ఈ కథను అంతా ఊహించినట్లు కాకుండా విభిన్నంగా తెరకెక్కించనున్నారు దర్శకుడు.
“చోర్ బజార్” సినిమా బుధవారం లాంఛనంగా ప్రారంభమైంది. వీ ప్రొడక్షన్స్ పతాకంపై వీఎస్ రాజు తన తొలి ప్రయత్నంగా ఈ చిత్రాన్ని నిర్మిస్తున్నారు. లవ్, యాక్షన్ ఎంటర్ టైనర్ గా రూపొందుతున్న చిత్రంలో సుబ్బరాజు, పోసాని, ఫేమ్ అర్చన ఇతర కీలక పాత్రల్లో కనిపించనున్నారు.