వీళ్లిద్ధ‌రికీ టీటీడీ బోర్డులో చోటు?

నామినేటెడ్ ప‌ద‌వుల‌పై పెద్ద ఎత్తున చ‌ర్చ జ‌రుగుతోంది. ముఖ్యంగా టీటీడీ చైర్మ‌న్‌, బోర్డు స‌భ్యుల‌పై విస్తృత‌మైన ప్ర‌చారం జ‌రుగుతోంది. టీటీడీ చైర్మ‌న్ ఎవ‌ర‌నే విష‌య‌మై ప‌లువురి పేర్లు తెర‌పైకి వ‌చ్చాయి. ఇక బోర్డు స‌భ్యుల విష‌యానికి వ‌స్తే… కోవూరు ఎమ్మెల్యే వేమిరెడ్డి ప్ర‌శాంతిరెడ్డి, అలాగే తిరుప‌తి జిల్లా శ్రీ‌కాళ‌హ‌స్తి నియోజ‌క‌వ‌ర్గానికి చెందిన మాజీ జెడ్పీటీసీ స‌భ్యుడు పేరం ధ‌నుంజ‌య‌నాయుడి పేర్లు ప్ర‌ముఖంగా వినిపిస్తున్నాయి.

వేమిరెడ్డి ప్ర‌శాంతిరెడ్డ గ‌తంలో జ‌గ‌న్ స‌ర్కార్ హ‌యాంలో కూడా టీటీడీ స‌భ్యురాలిగా ప‌ని చేశారు. అలాగే టీటీడీ ఢిల్లీ స‌ల‌హామండ‌లి చైర్‌ప‌ర్స‌న్‌గా కూడా ప‌ని చేశారు. ఆ త‌ర్వాత ఎన్నిక‌ల స‌మ‌యంలో మారిన రాజ‌కీయ ప‌రిస్థితుల్లో వేమిరెడ్డి దంప‌తులు టీడీపీలో చేరారు. వేమిరెడ్డి ప్ర‌భాక‌ర్‌రెడ్డి నెల్లూరు ఎంపీగా, ప్ర‌శాంతిరెడ్డి కోవూరు ఎమ్మెల్యేగా టీడీపీ త‌ర‌పున గెలుపొందారు. నెల్లూరు జిల్లా రాజ‌కీయాల్లో వేమిరెడ్డి దంప‌తులు క్రియాశీల‌కంగా వ్య‌వ‌హ‌రిస్తున్నారు. అందుకే ప్ర‌శాంతికి టీటీడీ బోర్డులో స్థానం ఖ‌రారైంద‌ని టీడీపీ వ‌ర్గాలు చెబుతున్నాయి.

తిరుప‌తి జిల్లాకు వెళితే ధ‌నుంజ‌య‌నాయుడికి టీటీడీ బోర్డులో చోటు ఖరైంద‌ని ఆ పార్టీ నేత‌లు చెబుతున్నారు. టీడీపీ ఆవిర్భావం నుంచి శ్రీ‌కాళ‌హ‌స్తి నియోజ‌క‌వ‌ర్గంలో ధ‌నుంజ‌య‌నాయుడు క్రియాశీల‌కంగా వ్య‌వ‌హ‌రిస్తున్నారు. బొజ్జ‌ల కుటుంబానికి ఆయ‌న విధేయుడిగా వుంటూ వ‌స్తున్నారు. గ‌తంలో బొజ్జ‌ల గోపాల‌కృష్ణారెడ్డికి, ఇప్పుడు ఆయ‌న త‌న‌యుడైన ఎమ్మెల్యే సుధీర్‌రెడ్డికి ముఖ్య అనుచ‌రుడిగా కొన‌సాగుతున్నారు.

ఇటీవ‌ల మంత్రి నారా లోకేశ్‌ను ధ‌నుంజ‌య‌నాయుడు క‌లుసుకున్నారు. టీటీడీ బోర్డులో అవ‌కాశం ఇస్తామ‌నే హామీని లోకేశ్ నుంచి పొందిన‌ట్టు స‌మాచారం. సుధీర్‌రెడ్డితో పాటు ఉమ్మ‌డి చిత్తూరు జిల్లాలో ఐదారుగురు ఎమ్మెల్యేలు ధ‌నుంజ‌య‌నాయుడికి మ‌ద్ద‌తుగా సిఫార్సు లేఖ‌లు ఇచ్చార‌ని తెలిసింది.