స‌జ్జ‌ల గారూ… ఉత్తుత్తి వార్నింగ్‌లు ఇంకెన్నాళ్లు?

నేను లేస్తే మ‌నిషిని కాద‌న్న చందంగా స‌జ్జ‌ల రామ‌కృష్ణారెడ్డి హెచ్చ‌రిక‌లున్నాయి. వైసీపీ హ‌యాంలో స‌జ్జ‌ల రామ‌కృష్ణారెడ్డి అత్యంత క్రియాశీలకంగా వ్య‌వ‌హ‌రించారు. దీంతో అంద‌రి టార్గెట్ ఆయ‌నే అయ్యారు. ఈ నేప‌థ్యంలో స‌జ్జ‌ల రామ‌కృష్ణారెడ్డి ప్ర‌జా వ్య‌తిరేక విధానాల‌కు పాల్ప‌డ్డారంటూ అనేక ద‌ఫాలు చంద్ర‌బాబు రాజ‌గురువు ప‌త్రిక‌లో క‌థ‌నాలు రాశారు. తాజాగా ముంబ‌య్ న‌టి విష‌యంలో స‌జ్జ‌ల డైరెక్ష‌న్ మేర‌కే కేసు సెటిల్ చేసిన‌ట్టు క‌థ‌నం వెలువ‌డింది.

ఈనాడు క‌థ‌నంపై స‌జ్జ‌ల తీవ్ర ఆగ్ర‌హం వ్య‌క్తం చేశారు. ఈనాడు క‌థ‌నంపై కేసు వేస్తాన‌ని ఆయ‌న హెచ్చ‌రించారు. ఇలా ఈనాడు మీడియాపై స‌జ్జ‌ల వార్నింగ్‌లు ఇవ్వ‌డం ఎన్నిసార్లో ఆయ‌న‌కే తెలియాలి. ఊరికే వార్నింగ్‌లు ఇవ్వ‌డం, ఆ త‌ర్వాత సైలెంట్ కావ‌డం స‌జ్జ‌ల‌కు అల‌వాటైంద‌నే మాట వినిపిస్తోంది. మ‌రోవైపు ఈనాడుపై స‌జ్జ‌ల కేసు వేస్తార‌ని వైసీపీ శ్రేణులు ఆశ‌గా ఎదురు చూస్తున్నాయి.

స‌జ్జ‌ల విష‌యంలో వైసీపీ శ్రేణులు క‌ళ్లు కాయ‌లు కాచేలా ఎదురు చూడ‌డ‌మే త‌ప్ప‌, ఆయ‌న చేసిందేమీ లేదు. దీంతో స‌జ్జ‌ల‌పై వైసీపీ కార్య‌క‌ర్త‌లు, నాయ‌కులు మండిప‌డుతున్నారు. ఈనాడుపై న్యాయ పోరాటం చేయ‌న‌ప్పుడు మాట్లాడ్డం ఎందుక‌ని వాళ్లంతా నిల‌దీస్తున్నారు.

ఏదైనా చేసే ఆలోచ‌న వుంటే, మీడియా ముందుకొచ్చి ప్ర‌క‌టించాల‌ని, లేన‌ప్పుడు ప్ర‌చారం కోసం మాట్లాడ్డం దేనిక‌ని ప్ర‌శ్నిస్తున్నారు. కావున స‌జ్జ‌ల రామ‌కృష్ణారెడ్డి ఏదైనా చేసే ద‌మ్ము, ధైర్యం వుంటేనే వార్నింగ్‌లు ఇవ్వాలి. కేవ‌లం ప్ర‌చారం కోసం, మ‌రెవ‌రినో సంతృప్తిప‌ర‌చ‌డానికి నాట‌కాలు ఆడొద్ద‌నే హిత‌వు వైసీపీ నుంచి వ‌స్తోంది. ఈ విష‌యాన్ని ఆయ‌న గ్ర‌హిస్తే మంచిది.