లీక్ పై పెరుగుతున్న అనుమానాలు!

అతగాడు ఓ మంచి టెక్నీషియన్. గతంలోనూ అతగాడు తను చేసే సినిమాల మంచి చెడ్డలు తనకు అత్యంత సన్నిహితులైన నిర్మాతలకు లీక్ ఇస్తున్నారని, అవి అలా అలా వెళ్లి సినిమాల మార్కెట్ ను దెబ్బతీస్తున్నాయని అనుమానాలు వున్నాయి. అయితే మంచి టెక్నీషియన్ కనుక, పైగా మార్కెటింగ్ హడావుడి లో వుంటారు కనుక అస్సలు పెద్దగా పట్టించుకోలేదు. కానీ మళ్లీ మరోసారి అతగాడి మీద అనుమానాలు ముసురుకుంటున్నాయి.

మీడియా అనేది ఇలాంటి లీక్స్ కోసమే చూస్తుంది. మెయిన్ స్ట్రీమ్ మీడియా అయితే ఎవరికి పదవి వస్తుంది. ఎవరు పార్టీ పెడతారు. ఎవరు పార్టీ మారతారు ఇలా రాజకీయాలు లీక్ చేస్తుంది. సినిమా మీడియా అయితే ఏ సినిమా ప్లానింగ్ లో వుంది. హీరోయిన్ ఎవరు, కాస్టింగ్ ఏమిటి? టైటిల్ ఎప్పుడు రివీల్ చేస్తారు ఇలాంటివి లీక్ చేస్తుంది.

కానీ తమ సినిమా విషయాలు లీక్ అయితే సహజంగానే ఆ సినిమా దర్శకులకు కోపం వస్తుంది. కొందరు లోలోపల తిట్టుకుని ఊరుకుంటారు. కొందరు బాహాటంగా వెళ్లగక్కుతారు. ఇటీవల ఓ సినిమాకు సంబంధించి ఓ కీలక విషయం లీకైంది. దాంతో సదరు దర్శకుడికి కోపం వచ్చింది. ఎవరు లీక్ చేసి వుంటారు. తన టీమ్ వాళ్లని శోధించారు. అనుమానించారు. కానీ కాదని అర్థం చేసుకున్నారు.

కానీ టాలీవుడ్ లో వినిపిస్తున్నది ఏమిటంటే అదే సినిమాకు పని చేస్తున్న ఈ పాపులర్ టెక్నీషియన్ ఈ విషయాన్ని సినిమా రంగంలో చాలా మంది దగ్గర కీలకంగా వుండే ఓ వ్యక్తి (నిర్మాత కాదు) కి, తనతో వున్న సాన్నిహిత్యంతో చెప్పి వుంటారని, అక్కడి నుంచి లీక్ ప్రారంభమైందని. సదరు వ్యక్తికి ఈ సినిమాకు సంబంధించిన కీలక నటుడికి అంతగా పొసగదని, అందుకే లీక్ చేసారా.. జస్ట్ క్యాజువల్ గా లీక్ చేసారా అన్న గుసగుసలు వినిపిస్తున్నాయి.