Epaper
టాలీవుడ్‌లోని ప్రముఖ నిర్మాణ సంస్థల్లో ఒకటైన మ్యాట్నీ ఎంటర్‌టైన్‌మెంట్, స్టార్ హీరోలతో హై బడ్జెట్ చిత్రాలను మాత్రమే తీయడానికి పరిమితం కాదు.
చిన్న త‌ర‌హా నుంచి మీడియం రేంజ్ బడ్జెట్‌లలో కంటెంట్ ఆధారిత చిత్రాలను కూడా చేస్తున్నారు. ఈ బ్యానర్ నుంచి ప్రొడక్షన్ నెం 8 గా నిర్మిస్తున్న సినిమాకు `ఏజెంట్ సాయి శ్రీనివాస ఆత్రేయ` తో పరిచయం అయిన దర్శకుడు స్వరూప్ ఆర్‌ఎస్‌జె నేతృత్వం వ‌హిస్తున్నారు.
మిషన్ ఇంపాజిబుల్ అనే టైటిల్ తో తెరకెక్కిన ఈ సినిమాలో తాప్సీ పన్ను ప్రధాన పాత్రలో నటిస్తుంది. ఈ సినిమా నుంచి మొదటి పాట `ఏమిటి గాలం` విడుదల చేయడం ద్వారా సినిమా మ్యూజికల్ ప్రమోషన్స్ ప్రారంభించారు. మార్క్ కె రాబిన్ హసిత్ గోలీ రాసిన కొన్ని ఫన్నీ లైన్లతో ఆనందించే ట్రాక్‌ను కంపోజ్ చేశారు. స్టార్ సింగర్స్ శ్రీరామ చంద్ర, రాహుల్ సిప్లిగంజ్ మరియు హేమ చంద్ర గానం ఈ పాటకు అదనపు ఆకర్షణ.
నిరంజన్ రెడ్డి, అన్వేష్ రెడ్డి ఈ చిత్రాన్ని నిర్మిస్తుండగా, ఎన్ ఎం పాషా అసోసియేట్ ప్రొడ్యూసర్ గా వ్య‌వ‌హ‌రిస్తున్నారు. ఈ చిత్రానికి సినిమాటోగ్రఫీ: దీపక్ యెరగరా మరియు సంగీతం: మార్క్ కె రాబిన్. రవితేజ గిరిజాల ఎడిటర్. సినిమా విడుదలకు సిద్ధమవుతోంది. త్వరలోనే విడుదల తేదీని చిత్రబృందం ప్రకటించనుంది.