ఆ డైరక్టర్ చేతిలో ఎన్టీఆర్ బావమరిది

మొత్తానికి ఆ కుర్రాడికి డైరక్టర్ సెట్ అయ్యారు. ఓ మాంచి విలేజ్ బ్యాక్ డ్రాప్ యూత్ ఫుల్ సినిమాతో కొత్త హీరో నితిన్ చంద్ర తెరపైకి రాబోతున్నాడు. నితిన్ చంద్ర అంటే తెలియకపోవచ్చు కానీ, యంగ్ టైగర్ ఎన్టీఆర్ బావమరిది అంటే టక్కున తెలుస్తోంది.

ఎన్ స్టూడియో అధినేత నార్నే శ్రీనివాసరావు కుమారుడే ఈ నితిన్ చంద్ర ఏ డైరక్టర్ తో సినిమానా అని చాలా ట్రయ్ చేసారు. తేజ డైరక్షన్ లో సినిమా అనుకుంటే నిర్మాతగా ఆయన వుంటారు. పెట్టుబడి వీళ్లు పెట్టాలి లాంటి నిబంధనలేవో అడ్డం పడ్డాయి. 

ఆఖరికి సతీష్ వేగ్నిశ డైరక్షన్ లో తామే ప్రొడక్షన్ లోకి దిగారు నితిన్ చంద్ర ఫ్యామిలీ మెంబర్స్. ఎన్టీఆర్ సైతం కథ విని గ్రీన్ సిగ్నల్ ఇచ్చినట్లు తెలుస్తోంది. 

సంపద అనే కన్నడ కొత్త అమ్మాయి హీరోయిన్. శతమానం భవతి లాంటి ఎవర్ గ్రీన్ హిట్ తరువాత మళ్లీ అలాంటి బ్యాక్ డ్రాప్ లో యూత్ ఫుల్ లవ్ స్టొరీని గోదావరి జిల్లాల్లోనే తెరకెక్కిస్తున్నారు సతీష్ వేగ్నిశ.