విద్యా వ్యవస్థ మీద ధనుష్

తమిళ హీరో ధనుష్ తొలి తెలుగు స్ట్రయిట్ సినిమా అనౌన్స్ మెంట్ వచ్చేస్తోంది. తొలిప్రేమ, రంగ్ దే వంటి సినిమాలు అందించిన దర్శకుడ వెంకీ అట్లూరి తయారుచేసుకున్న సబ్జెక్ట్ తో ధనుష్ సినిమా చేయబోతున్నాడు. 

విద్యా వ్యవస్థలోని లొసుగుల మీద ఈ సినిమా వుంటుంది. అయితే కాస్త వెనక్కు వెళ్లి సమస్యలను డిస్కస్ చేస్తుండడంతో పీరియాడికల్ సినిమా లుక్ వుంటుంది.

దర్శకుడు త్రివిక్రమ్ భార్య సాయి సౌజన్య నిర్మాతగా ఈ సినిమాతో పరిచయం అవుతున్నారు. త్రివిక్రమ్ స్వంత బ్యానర్ ఫ్యార్ట్యూన్ ఫోర్ సమర్పణలో తయారయ్యే ఈ సినిమాను సితార పతాకంపై నాగవంశీ నిర్మిస్తారు.

పేరు వినగానే చదువులు, స్టూడెంట్లు, టీచర్లు గుర్తుకువచ్చే క్యాచీ టైటిల్ లో ఈసినిమాను అందిస్తున్నారు. సితార బ్యానర్ ను సమర్పించే పిడి ప్రసాద్ పేరు ఇక వుండకపోవచ్చు.