Epaper
కాస్త నాటు టచ్ ఇస్తూ ఫ్యామిలీ బ్యాక్ గ్రౌండ్ లో కామెడీ రన్ చేయడం దర్శకుడు మారుతి స్పెషాలిటీ. పక్కా మాస్ కామెడీకి కేరాఫ్ అడ్రస్ రవితేజ. మొత్తానికి ఈ ఇద్దరి కాంబినేషన్ లో సినిమా సెట్ అయిపోయింది.
ఈ సినిమా సెట్ అవుతోందీ అంటూ ఇప్పటికే వార్తలు వచ్చాయి. దర్శకుడు మారుతి ఫుల్ అండ్ ఫైనల్ నెరేషన్ ను నిర్మాత అల్లు అరవింద్ కు చెప్పడం ఆయన ఓకె అని, హీరో రవితేజ తో మాట్లాడడం జరిగిపోయాయి.
ఇంక జస్ట్ అఫీషియల్ అనౌన్స్ మెంట్ మాత్రమే మిగిలింది. జిఎ2 కి నిర్మాణ భాగస్వామిగా యువి వంశీ కూడా వ్యవహరిస్తారు. కోర్టులు, కేసులు, లాయర్ల వీటన్నింటి మధ్య జరిగే కథ అని తెలుస్తోంది. అవుట్ అండ్ అవుట్ ఎంటర్ టైన్ మెంట్ సబ్జెక్ట్ తో తయారయ్యే ఈ సినిమాలో రవితేజ క్రిమినల్ లాయర్ గా కనిపిస్తారు.
థమన్ సంగీతం అందిస్తారు. మిగిలిన కాస్టింగ్ అన్నీ అఫీషియల్ అనౌన్స్ మెంట్ తో పాటు లేదా ఆ తరువాత వుండొచ్చు. డిసెంబర్ నుంచి ఈ సినిమా సెట్ మీదకు వెళ్లే అవకాశం వుంది. ఈలోగా రవితేజ ఫార్మల్ గా రమేష్ వర్మ సినిమా ఓ షెడ్యూలు పూర్తి చేస్తారు. ప్రతి రోజూ పండగే సినిమా తరువాత మారుతి, క్రాక్ సినిమా తరువాత రవితేజ నుంచి వచ్చే క్రేజీ ప్రాజెక్టు ఇది.