Epaper
హైదరాబాద్ లోని అత్యంత రద్దీ ప్రాంతాల్లో ఒకటైన అమీర్ పేట్ లో అల్లు అర్జున్ ఓ మల్టీప్లెక్స్ నిర్మించబోతున్నాడనే విషయాన్ని గతంలోనే గ్రేట్ ఆంధ్ర బ్రేక్ చేసింది. ఇప్పుడా మల్టీప్లెక్స్ నిర్మాణానికి సంబంధించి పూజా కార్యక్రమాలు నిర్వహించాడు బన్నీ. త్వరలోనే వరల్డ్ క్లాస్ మల్టీప్లెక్స్ రెడీ కాబోతోంది.
అమీర్ పేట్ లో ఇన్నాళ్లూ ఐకానిక్ గా నిలిచిన సత్యం థియేటర్ స్థానంలోనే ఈ మల్టీప్లెక్స్ నిర్మాణం జరుగుతోంది. మాల్స్ కు సంబంధించిన నిర్మాణాలు పూర్తయ్యాయి. ఈ రోజు మల్టీప్లెక్స్ నిర్మాణానికి సంబంధించి పూజ నిర్వహించారు.
అల్లు అర్జున్, నారాయణ్ దాస్ నారంగ్, సునీల్ నారంగ్ తదితరులు ఇందులో పాల్గొన్నారు. ఈ సందర్భంగా మల్టీప్లెక్స్ నిర్మాణానికి సంబంధించిన వివరాల్ని బన్నీకి వివరించారు సునీల్.
గచ్చిబౌలిలో మహేష్ బాబుతో కలిసి నిర్మించిన మల్టీప్లెక్సుకు ఎలాగైతే ఏఎంబీ అని పేరు పెట్టారో.. అమీర్ పేట్ లో నిర్మించబోతున్న మల్టీప్లెక్స్ కు AAA అని పేరుపెట్టబోతున్నారు. రాబోయే 4 నెలల్లో ఈ నిర్మాణం పూర్తిచేయాలని టార్గెట్ గా పెట్టుకున్నట్టు తెలుస్తోంది.
ఇప్పటికే బన్నీకి కొన్ని వ్యాపారాలున్నాయి. అవన్నీ సక్సెస్ ఫుల్ గా రన్ అవుతున్నాయి. ఈ వెంచర్ తో అల్లు అర్జున్ మల్టీప్లెక్స్ బిజినెస్ లోకి కూడా ఎంటరైనట్టయింది.