చిరు 154 డైరక్టర్స్ స్పెషల్

దర్శకుడు బాబీ డైరక్షన్ లో మెగాస్టార్ చేయబోయే మైత్రీ మూవీస్ సినిమాకు శ్రీకారం చుట్టారు. ఈ సందర్భంగా అనేక మంది టాప్ డైరక్టర్లు హాజరు కావడం విశేషం, పూరి జగన్నాధ్, వివి వినాయక్, రాఘవేంద్రరావు, కొరటాల శివ, హరీష్ శంకర్ ఓపెనింగ్ సెరమనీలో పాల్కొన్నారు. 

ఆచార్య సినిమా తరువాత రెండు రీమేక్ లు, గాడ్ ఫాదర్, భోళా శంకర్ చేస్తున్న చిరు మళ్లీ డైరక్ట్ స్టోరీతో చేస్తున్న సినిమా ఇది. 

విశాఖ నేపథ్యంలో అల్లుకున్న ఈ కథకు వాల్తేరు వీరయ్య అనే పేరు వినిపిస్తోంది. అలాగే ఈ సినిమాలో చిరు ద్విపాత్రాభినయం చేస్తారని కూడా వినిపిస్తోంది. 

జై లవకుశ, వెంకీ మామ సినిమాల తరువాత బాబీ చేస్తున్న సినిమా ఇది. 2023లో ఈ సినిమా విడుదలయ్యే అవకాశం వుంది.