Epaper
యంగ్ టైగ‌ర్ ఎన్టీఆర్ అభిమానుల్లో కంగారు. ఎన్టీఆర్ కుడిచేతికి బ్యాండేజీ క‌నిపించ‌డ‌మే ఆయ‌న అభిమానుల్లో ఆందోళ‌న‌కు కార‌ణ‌మైంది.
మీలో ఎవ‌రు కోటీశ్వ‌రులు కార్య‌క్ర‌మంలో బుల్లితెర హోస్ట్‌గా త‌న‌దైన శైలిలో ప్రేక్ష‌కుల‌ను ఎన్టీఆర్ అల‌రిస్తున్నారు. దీపావళి పండుగ సంద‌ర్భంగా ఎన్టీఆర్ తన కొడుకులిద్ద‌రితో క‌లిసి సంప్ర‌దాయ దుస్తుల్లో దిగిన ఫొటో సోష‌ల్ మీడియాలో వైర‌ల్ అవుతోంది.
ఈ ఫొటోను జాగ్ర‌త్త‌గా గ‌మ‌నిస్తే… ఎన్టీఆర్ కుడిచేతికి బ్యాండేజీ క‌నిపిస్తోంది. దీంతో ఎన్టీఆర్ చేతికి ఏదో గాయ‌మైంద‌నే ప్ర‌చారం తెరపైకి వ‌చ్చింది. ఆ గాయం ఎప్పుడైంది, ఏమైంది అనే విష‌యాలు తెలియ‌క స‌హ‌జంగానే అభిమానులు ఆందోళ‌న‌తో తెలుసుకునేందుకు ప్ర‌య‌త్నించారు.
జిమ్‌లో వ్యాయామం చేస్తున్న సమయంలో ఎన్టీఆర్ కుడి చేతి వేలికి గాయమైంద‌ని తెలిసొచ్చింది. ఆసుపత్రిలో చిన్న సర్జరీ కూడా చేయించుకున్నారని సమాచారం.
అయితే కంగారు పడాల్సిన అవసరం ఏం లేదని, ప్రస్తుతం హైదరాబాద్‌లో తన ఇంట్లో ఎన్టీఆర్ విశ్రాంతి తీసుకుంటున్నట్లు అభిమానుల‌కు సమాచారం అందింది. దీంతో వారు ఊపిరి పీల్చుకున్నారు.