Epaper
గుర్రపు స్వారీ అంటే హీరోలకు ఎప్పుడూ ఇష్టమే. చాలా మంది హీరోలు గుర్రపు స్వారీ నేర్చుకుంటారు. స్వంత గుర్రాలు కూడా కలిగి వుంటారు. హీరో బాలయ్య కు జానపద సినిమాలు అంటే ఇష్టం. గుర్రపు స్వారీలు అన్నా ఇష్టమే. ఈ మధ్యనే బాలయ్యకు గుర్రమెక్కే చాన్స్ వచ్చింది.
ఆహా ఓటిటి ప్లాట్ ఫార్మ్ కోసం బాలయ్య తొలిసారి ఓ చాట్ షో చేయబోతున్నారు. అన్ స్టాపబుల్ అనే టైటిల్ తో ఈ షో రెడీ అవుతోంది. డైరక్టర్ ప్రశాంత్ వర్మ ఈ చాట్ షో కి నేతృత్వం వహిస్తున్నారు. ఈ షో కోసం ఓ ప్రోమోను షూట్ చేయడానికి బాలయ్యను గుర్రం మీద ఎక్కించినట్లు తెలుస్తోంది.
అయితే ఈ సీన్ లో బాలయ్య ప్రమాదవశాత్తూ కిందకు జారినట్లు తెలుస్తోంది. అయినా పట్టుదలగా మరోసారి గుర్రమెక్కి షాట్ ఫినిష్ చేసారు.
గాయం ఏమైనా అయిందేమో చూస్తామని యూనిట్ సభ్యులు అన్నీ బాలయ్య మొండిగా వినకుండా షూటింగ్ కంటిన్యూ చేసినట్లు తెలుస్తోంది. వన్స్ షాట్ పూర్తయిన తరువాత చూస్తే బాలయ్య కాలికి కాస్త గాయం అయినట్లు తెలుస్తోంది.