శింబు నుంచి మరో తెలుగు పాట వచ్చేసింది

తమ సినిమాలో శింబు ఓ పాట పాడాడంటూ కొన్ని రోజులుగా ప్రచారం చేసుకుంటోంది '18-పేజెస్' మూవీ యూనిట్. ఎట్టకేలకు ఆ సాంగ్ రిలీజైంది. గోపీసుందర్ కంపోజిషన్ లో శింబు పాడిన ఈ పాట ట్రెండీగా ఉంది.

“టైమ్ ఇవ్వు పిల్ల కొంటెం టైమ్ ఇవ్వు” అనే హుక్ లైన్ తోపాటు, ఈ లిరిక్స్ కు హీరో నిఖిల్ వేసిన సిగ్నేచర్ స్టెప్ ను కూడా లిరికల్ వీడియోతో పాటు విడుదల చేశారు.

“ఈ జనరేషన్ పిల్లగాన్ని కాన నేను, నీలాగ మూవ్ అన్ ఎందుకు అవ్వలేను”.. “మన పాస్ట్ అసలు గురుతే రాదా, నీకు కొంచెమైనా గిల్టీ లేదా” లాంటి లైన్లు కుర్రాళ్లను బాగా పట్టేలా ఉన్నాయి. శ్రీమణి ఈ పాట రాశాడు.

రీసెంట్ గా వారియర్ మూవీలో బుల్లెట్ సాంగ్ పాట పాడాడు శింబు. అది పెద్ద హిట్టయింది. ఆ సెంటిమెంట్ తో 18-పేజెస్ లో శింబుతో పాట పాడించినట్టున్నారు. శింబు అయితే తన వంతు ప్రయత్నం తాను చేశాడు. పాట ఏ రేంజ్ కు వెళ్తుందనేది మరికొన్ని రోజుల్లో తేలిపోతుంది.

నిఖిల్, అనుపమ పరమేశ్వరన్ హీరోహీరోయిన్లుగా నటించిన ఈ సినిమాను క్రిస్మస్ కానుకగా డిసెంబర్ 23న రిలీజ్ చేస్తున్నారు. జీఏ2 పిక్చర్స్ బ్యానర్ పై వస్తున్న ఈ సినిమాకు పల్నాటి సూర్యప్రతాప్ దర్శకుడు.