‘వకీలు’ నోట త్రివిక్రమ్ డైలాగులు?

వకీల్ సాబ్ సెన్సారు పూర్తయింది. సినిమా ద్వితీయార్థంలో అమ్మాయిల గురించి పవన్ చెప్పే డైలాగులు బాగున్నాయనే టాక్ వినిపిస్తోంది. ఈ డైలాగులు కచ్చితంగా పవన్ ఇమేజ్ ను పెంచేలా వుంటాయన్న కామెంట్లు కూడా ఇండస్ట్రీలో వినిపిస్తున్నాయి. 

అయితే ఇక్కడే మరో గమ్మత్తయిన సంగతి కూడా వినిపిస్తోంది. ఈ డైలాగులు త్రివిక్రమ్ రాసి వుంటారన్నదే ఆ సంగతి. అదెలా అంటే వాస్తవానికి పింక్ రీమేక్ ప్రాజెక్టును ప్లాన్ చేసింది త్రివిక్రమ్ నే. అయితే కారణాంతరాల వల్ల ఆయన ఈ ప్రాజెక్టు నుంచి తప్పుకున్నారు. 

అయితే ప్లాన్ చేసినపుడు జరిగిన స్క్రిప్ట్ డిస్కషన్లలో అమ్మాయిల మీద కొన్ని డైలాగులు ఇలా ఈ విధంగా వుంటే బాగుంటుందని త్రివిక్రమ్ చకచకా పవన్ కు ఆశువుగా చెప్పినట్లు తెలుస్తోంది.

అయితే ప్రాజెక్టు నుంచి త్రివిక్రమ్ తప్పుకున్నా, ఈ డైలాగుల పార్ట్ దగ్గరకు వచ్చేసరికి త్రివిక్రమ్ చెప్పిన సంగతులు, ఐడియాలు గుర్తు పెట్టుకుని, వాటినే ఫాలో అయిపోమని దర్శకుడు వేణు శ్రీరామ్ కు పవన్ కళ్యాణ్ చెప్పి వుంటారని టాక్ వినిపిస్తోంది. 

అందువల్లే మంచి డైలాగులు పడ్డాయని అంటున్నారు. అయినా పవన్ కళ్యాణ్ సినిమా అన్న తరువాత త్రివిక్రమ్ సూచనలు, సలహాలు తెరవెనుక అయినా లేకుండా వుంటాయా? ప్రాణ మిత్రులు కదా?