Epaper
హీరోయిన్ నిధి అగర్వాల్ మెల్లమెల్లగా అవకాశాలు అందుకుంటోంది. ఇప్పటికే పవన్ కల్యాణ్ సరసన హరిహర వీరమల్లు సినిమా చేసిన ఈ బ్యూటీ, ఇప్పుడు నితిన్ సినిమాలో అవకాశం అందుకుంది.
తాజాగా శేఖర్ దర్శకత్వంలో నితిన్ ఓ సినిమా లాంఛ్ చేసిన సంగతి తెలిసిందే. దీనికి మాచర్ల నియోజకవర్గం అనే టైటిల్ పెట్టారు. హీరోయిన్ గా కృతి శెట్టిని తీసుకున్నారు. ఇందులో సెకెండ్ హీరోయిన్ గా నిధి అగర్వాల్ ను సెలక్ట్ చేశారు.
ఇస్మార్ట్ శంకర్ తర్వాత బడా అవకాశాలొస్తాయని ఆశపడింది నిధి అగర్వాల్. కానీ అలా జరగలేదు. దీంతో తమిళ్ లో రెండు సినిమాలు చేసింది. మధ్యలో తెలుగులో అశోక్ గల్లా హీరోగా పరిచయమౌతున్న సినిమాలో కూడా హీరోయిన్ గా నటించింది. ఇప్పుడు నితిన్ సినిమాలో సెకెండ్ హీరోయిన్ పాత్రకు ఫిక్స్ అయింది.
నిజానికి నిధి అగర్వాల్ ఇప్పుడు బాలీవుడ్ పై ఫోకస్ పెట్టింది. రీసెంట్ గా హిందీలో ఓ మ్యూజిక్ వీడియో చేసిన ఈ ముద్దుగుమ్మ, హిందీలో సినిమాలు చేసే ప్రయత్నంలో ఉంది. ఇందులో భాగంగా ఇప్పటికే 2 కథలు విన్న ఈ హీరోయిన్, త్వరలోనే తన బాలీవుడ్ రీఎంట్రీని ప్రకటించే ఛాన్స్ ఉంది.