Epaper
వరుడు కావలెను అంటూ సినిమా అందిస్తోంది సితార ఎంటర్ టైన్ మెంట్స్ సంస్థ. నాగశౌర్య హీరో…రీతూ వర్మ హీరోయిన్. ఈ సినిమా టీజర్ ను నిర్మాత చినబాబు 60వ పుట్టిన రోజు సందర్భంగా విడుదల చేసారు.
ఛలో తరువాత మళ్లీ నాగశౌర్య సినిమా ఇంత కలర్ పుల్ గా చూడడం ఇదే. సింపుల్ లవ్ స్టోరీని కలర్ ఫుల్ గా ప్రెజెంట్ చేసినట్లు కనిపిస్తోంది.
థర్టీస్ కు దగ్గర అవుతున్నా తనకు కనెక్ట్ అయ్యే వాడి కోసం ఎదురు చూస్తూ 'వరుడు కావలెను' అనుకునే అమ్మాయిగా రీతూ వర్మ..పడితే ఇలాంటి అమ్మాయినే పట్టాలి అనే అబ్బాయిగా నాగశౌర్య టీజర్ లోకి వచ్చేసారు. వీళ్లిద్దరి మధ్య డైలాగులు ముడేసి కామెడీ పండించడానికి వెన్నెల కిషోర్, ప్రవీణ్ కూడా రెడీ అయిపోయారు.
చిన్న సినిమా అయినా ప్రెస్టీజియస్ ప్రాజెక్టుగా ఫీలవుతూ తీర్చిదిద్దుతున్నారు నిర్మాత చినబాబు. ఆ కేర్ టేకింగ్ అన్నది క్లారిటీగా కనిపిస్తోంది. ఇప్పటికే విడుదలైన దిగు దిగు నాగా పాట భయంకరంగా పాపులర్ అయింది. జర్నలిస్ట్ గణేష్ రావూరి తొలిసారి ఈ సినిమాతో మాటల రచయితగా మారుతున్నారు.