Epaper
నిహారిక క‌ల‌ల రాకుమారుడెవ‌రనే ఉత్కంఠ‌కు ఎట్ట‌కేల‌కు తెర దించారు. త్వ‌ర‌లో నిహారిక ఏడ‌డుగులు న‌డిచే ఆరు అడుగుల అంద‌గాడి ఫొటో రివీలైంది. నిహారిక త‌న పెళ్లికి సంబంధించి మొట్ట మొద‌ట మిసెస్ అంటూ సోష‌ల్ మీడియాలో ఓ సంకేతంతో నెటిజ‌న్ల‌ను త‌న చుట్టూ తిప్పుకున్నారు. ఆ త‌ర్వాత సాయంత్రానిక‌ల్లా అత‌ని ప్రేమ కౌగిలిలో బందీ అయిన ఫొటోను ఆమె విడుద‌ల చేసి మ‌రింత క్లారిటీ ఇచ్చారు. అయితే అత‌ని ముఖం మాత్రం క‌నిపించ‌కుండా జాగ్ర‌త్త ప‌డి మ‌రింత ఉత్కంఠ పెంచారు.
తెల్లార‌గానే శుక్ర‌వారం నిహారిక తాను పెళ్లి చేసుకోబోయే క‌ల‌ల రాకుమారుడి ముఖాన్ని అందరికీ ప‌రిచ‌యం చేస్తూ చూడ చ‌క్క‌ని ఫొటో రివీల్ చేశారు. మెగా బ్ర‌ద‌ర్స్ కాబోయే అల్లుడి పేరు జొన్న‌లగ‌డ్డ వెంక‌ట చైతన్య అని స‌మాచారం. ప్ర‌స్తుతానికి అందుతున్న స‌మాచారం ప్ర‌కారం నాగ‌బాబు కాబోయే అల్లుడి వివ‌రాలిలా ఉన్నాయి.
నిహారిక కాబోయే భ‌ర్త చైతన్య ఓ ఎమ్ఎన్సీ కంపెనీలో ఎగ్జిక్యూటీవ్‌. గుంటూరు ఐజీ కుమారుడు అని తెలుస్తోంది. అలాగే ఓ ప్ర‌ముఖ కాలేజీలో మేనేజ్‌మెంట్ గ్యాడ్యుయేట్‌గా చేస్తున్నారు. క‌థా నాయిక నిహారిక, చైతన్యల నిశ్చితార్థం ఆగస్ట్‌లో జరపనున్నట్టు స‌మాచారం. ఇక పెళ్లి విష‌యానికి వ‌స్తే ఈ ఏడాది చివ‌ర్లో జరపనున్నట్టు తెలిసింది. ఇటీవ‌లే నాగ‌బాబు త‌న కుమార్తె పెళ్లి గురించి చెప్పిన విషయం తెలిసిందే.
ఈ ఏడాదిలో నిహారిక పెళ్లి చేయాల‌నే ఆలోచ‌న ఉన్న‌ట్టు నాగ‌బాబు వెల్ల‌డించారు. ఈ నేప‌థ్యంలో నిహారిక పెళ్లి ఏడాది చివ‌ర్లో లేదంటే వ‌చ్చే ఏడాది మొద‌ట్లో జ‌రిగే అవ‌కాశం ఉంద‌నే ప్రచారం జ‌రుగుతోంది.