‘మెగా’ ట్రోలింగ్ షురూ

సోషల్ నెట్ వర్క్ వేదిక రెడీగా వుంటుంది ఎప్పుడూ. ఫ్యాన్స్ సంగతి చెప్పనక్కరే లేదు. అవతలి హీరో ఎక్కడ దొరుకుతాడా? అని కాసుకుని వుంటారు. ఇలాంటి నేపథ్యంలో సైరా మేకింగ్ వీడియో వచ్చింది. ఆ వీడియో చివరిలో జస్ట్ అలా హీరో చిరు లుక్ ఒకటి కట్ చేసారు. కత్తి పట్టుకుని, సర్రున ప్రత్యర్థిని నరికేస్తూ కనిపించారు చిరంజీవి.

కానీ ఆ టైమ్ లో ఆయన గెటప్ కాస్త డిఫరెంట్ గా వుంది. జులపాలు మొహం మీదకు పడుతూ, మొహంలో రౌద్రం కాస్త ఎక్కువే కనిపిస్తూ. అదిగో, ఇప్పుడు అదే యాంటీ ఫ్యాన్స్ నుంచి విపరీతమైన ట్రోలింగ్ కు టార్గెట్ అయింది. బాలయ్య శాతకర్ణిలో గెటప్ లు, ఇంకా రకరకాల పిక్స్ జాయింట్ చేసి, మీమోలు తయారు చేసి సోషల్ మీడియాలోకి వదుల్తున్నారు.

ది బెస్ట్ లుక్స్ ఆఫ్ టాలీవుడ్ అంటూ రకరకాల ఫొటోలు పక్క పక్కనపెట్టి వెటకారాలు మొదలయ్యాయి. వాస్తవానికి సైరా ప్రారంభంలో అమితాబ్ బచ్చన్ వదిలిన ఫొటోల్లో చిరు చాలా అందంగా కనిపించారు. మేకింగ్ వీడియోలో మాత్రం వీరుడి క్యారెక్టర్ ఫోర్స్ గా వుండాలని, యాక్షన్ కట్ వేసారు. అది కాస్త వేరే విధంగా వుండడంతో ఈ ట్రోలింగ్ వ్యవహారం స్టార్ట్ అయింది.

దేవరకొండ షేక్‌ అయ్యాడు

సినిమా రివ్యూ: ఎవరు   సినిమా రివ్యూ: రణరంగం