చేతిలో తుపాకి.. కళ్లలో కోపం..!

ఆచార్య నుంచి మరో లుక్ వచ్చింది. ఇప్పటికే ఈ సినిమాకు సంబంధించి చిరంజీవి లుక్, టీజర్ బయటకొచ్చింది. ఇప్పుడు మూవీలో కీలక పాత్ర పోషిస్తున్న రామ్ చరణ్ లుక్ కూడా విడుదల చేశారు. సినిమాలో చరణ్ పేరు సిద్ధ అనే విషయం ముందే ప్రకటించిన యూనిట్, ఇప్పుడా లుక్ ను విడుదల చేసింది.

అయితే సిద్ధ సోలోగా రాలేదు. ఆచార్యతో కలిసి వచ్చాడు. కామ్రేడ్స్ గెటప్స్ లో చేతిలో తుపాకులు పట్టుకొని చిరంజీవి, చరణ్ నడిచొస్తున్న స్టిల్ ను రిలీజ్ చేశారు. సినిమాలో ఓ భారీ యాక్షన్ ఎపిసోడ్ కు ముందు వచ్చే సన్నివేశంలా ఇది కనిపిస్తోంది.

ఆచార్యలో సిద్ధ పాత్ర కోసం మహేష్ బాబును తీసుకున్నట్టు గతంలో ప్రచారం జరిగింది. అయితే దాదాపు 20 నిమిషాల నిడివి ఉన్న ఆ పాత్రను రామ్ చరణ్ తో చేయించారు చిరంజీవి. 

నిన్న తనను కలవడానికి వచ్చిన అభిమానులతో మాటమంతీ కలిపిన రామ్ చరణ్, తండ్రితో కలిసి తను చేసిన సిద్ధ పాత్ర కలకాలం గుర్తుండిపోతుందని అన్నాడు.

కొరటాల శివ దర్శకత్వంలో తెరకెక్కుతున్న ఈ సినిమాలో కాజల్, పూజా హెగ్డే హీరోయిన్లుగా నటిస్తున్నారు. రెజీనా ఐటెంసాంగ్ చేసింది. మణిశర్మ సంగీతం అందిస్తున్నాడు. మే 13న ప్రపంచవ్యాప్తంగా విడుదల కాబోతోంది ఆచార్య మూవీ.