మోడీ చెప్పిన అబద్దం-ప్రకాష్ రాజ్

నటుడు ప్రకాష్ రాజ్ ట్విట్టర్ లో రాజకీయాలను ఎంతగా ఎండ గడతారో ఆయనను ఫాలో అయ్యేవారికి తెలిసిందే. రాజకీయాల్లో దిగాలని ప్రయత్నించి ఫెయిలయ్యారు. అది వేరే సంగతి. అయినా ట్విట్టర్ లో సదా మోడీని అవకాశం దొరికినపుడల్లా పాయింట్ అవుట్ చేయడం మానరు.  

లేటెస్ట్ గా ఓ ట్వీట్ వేసారు. స్వాతంత్ర్య దినోత్సవం సందర్భంగా మోడీ ఉపన్యాసంలోని ఓ లైన్ ను కోట్ చేస్తూ, …ఏన్ ఇండిపెండెట్ లై…జస్ట్ ఆస్కింగ్ అంటూ కామెంట్ పెట్టారు.

''..ప్రజల బతుకుల్లో కలుగచేసుకోని ప్రభుత్వం కావాలి మనకు'' అనే అర్థం వచ్చేలా మోడీ మాట్లాడారు. ఇది అబద్దం అంటూ ప్రకాష్ రాజ్ సెటైర్ వేసారు. 

మెగాఫ్యామిలీ చిత్రం

ప్రకాష్ రాజ్ విషయానికి వస్తే మెగా ఫ్యామిలీలోనే చిత్రమైన పొత్తు వుంది. తమ్ముడు పవన్ కళ్యాణ్ భాజపాతో పొత్తు పెట్టుకుని, మోడీజీ..అమిత్ షా జీ..అంటూ ముందుకు వెళ్తున్నారు. కానీ చిరు, నాగబాబు మాత్రం మోడీకి బద్ద వ్యతిరేకి అయిన ప్రకాష్ రాజ్ ను టాలీవుడ్ లో మా సింహాసనం అధిష్టించేందుకు వీలుగా పావులు కదుపుతున్నారు. 

నిజానికి లెక్కప్రకారం అయితే ప్రకాష్ రాజ్ గెలవకుండా పవన్ కళ్యాణ్ కృషి చేయాల్సి వుంటుంది. కానీ ఆయన ఇవేవీ పట్టించుకోరు అది వేరే సంగతి.