Epaper
మహర్షి సినిమా విడుదల ఇక కొద్ది రోజుల్లోకి వచ్చేసింది. ఫస్ట్ కాపీ లాక్ అయిపోయింది. అయితే అసలు మహర్షి సినిమా లైన్ ఏమిటి? కథేమిటి? ఇందులో మహేష్ బాబు క్యారెక్టర్ ఏమిటి? ఇవన్నీ చాలా క్యూరియాసిటీ కలిగించే విషయాలు. ఇప్పటి వరకు బయటకు వచ్చింది కొంతే.
మహేష్ బాబు అమెరికాలో బడా పారిశ్రామిక వేత్త, తన స్నేహితుడు అల్లరి నరేష్ కోసం ఇండియాకు వచ్చి, రైతుల కష్టాలు చూసి, వ్యవసాయాన్ని లాభసాటిగా చేయాలని ప్రయత్నిస్తాడు. ఆర్గానిక్ ఫార్మింగ్ గురించి సినిమాలో వుంటుంది. ఇవీ ఇప్పటి వరకు వినిపించిన గ్యాసిప్ లు.
అయితే అసలు విషయం బాగా దూరం.వేరు కూడా. ఈ సినిమాలో అసలు సిసలు వ్యవహారం మహేష్ బాబు క్యారెక్టర్ నే అని తెలుస్తోంది. సినిమాలో మహేష్ బాబు ఒక రకమైన అగ్రెసివ్ ఆటిట్యూడ్ తో వుంటాడని టాక్ వినిపిస్తోంది. సక్సెస్, పేరు, డబ్బు, దీని మీదే దృష్టి. తన పేరు అంటే గౌతమ్ కేరాఫ్ కంపెనీ పేరు. అంతే. సదా అదే ఆలోచన.
చదువులో సక్సెస్, వ్యాపారంలో సక్సెస్, ఇలా ప్రతి రంగంలో సక్సెస్ కోసం తహతహ. అసలు ఇదంతా ఎందుకు? దాని వెనుక ఫ్లాష్ బ్యాక్ ఏమిటి? అది ఎక్కడికి దారి రిషి అనేవాడు మహర్షి ఎలా అయ్యాడు అన్నది కథ గా ఇండస్ట్రీలో వినిపిస్తోంది. ఏ జర్నీ ఆఫ్ రిషి అని మేకర్స్ చెప్పకనే చెబుతున్నారు. చదువు దగ్గర ప్రారంభమైన రుషి జర్నీ మహర్షిగా ఎలా ముగిసింది అన్నది అన్నమాట.
సినిమాలో మంచి పదునైన సంభాషణలు, రెండు మూడు మంచి బ్లాక్ లు వున్నాయని టాక్. మహర్షి సినిమా మహేష్ బాబు కెరీర్ లో ఓ మంచి సినిమాగా నిలుస్తుందని టాక్ అయితే వినిపిస్తోంది. పూర్తిగా తెలియడానికి మరో పది రోజులు ఆగాలి.