Epaper
ఇప్పటికే కలిసి నాలుగు సినిమాలు చేశారు నాగచైతన్య, సమంత. వీళ్లిద్దరూ కలిసి తాజాగా చేసిన మజిలీ సినిమా మంచి వసూళ్లు సాధించింది. ఇప్పుడు అదే ఊపులో మరోసారి కలిసి తెరపైకి వచ్చేందుకు రెడీ అవుతోంది ఈ జంట. అవును.. అన్నీ అనుకున్నట్టు జరిగితే చైతూ-శామ్ కాంబోలో త్వరలోనే మరో సినిమా రాబోతోంది.
ఆర్ఎక్స్100 సినిమాతో సంచలన విజయం అందుకున్న అజయ్ భూపతి, తన నాగచైతన్యకు ఓ స్టోరీ వినిపించాడు. దానికి మహాసముద్రం అనే టైటిల్ ఫిక్స్ చేశారట. ఈ సినిమాలో మహా అనేది హీరోయిన్ పేరు. ఆ పాత్ర కోసం సమంతను తీసుకుంటే బాగుంటుందని నాగచైతన్యకు సూచించాడట అజయ్ భూపతి.
సినిమా కథ మొత్తం హీరోయిన్ చుట్టూ తిరుగుతుందట. నాగచైతన్య పవర్ ఫుల్ పోలీసాఫీసర్ గా కనిపిస్తాడట. విలన్ కు హీరోకు మధ్య జరిగే మైండ్ గేమ్ లో హీరోయిన్ పాత్ర ఏంటనేది సినిమా అంటున్నారు. సో.. హీరోయిన్ క్యారెక్టర్ కు వెయిట్ ఉంది కాబట్టి సమంత ఒప్పుకునే అవకాశాలు ఉన్నాయి.
మహాసముద్రం ప్రాజెక్టు ఇంకా చర్చల దశలోనే ఉంది. ప్రస్తుతం వెంకీమామ సినిమా చేస్తున్నాడు నాగచైతన్య. ఈ మూవీ ఓ కొలిక్కి వచ్చిన తర్వాత అజయ్ భూపతి కథపై ఓ నిర్ణయం తీసుకుంటాడు.