చైతూ మళ్లీ అదే తప్పు?

వరుసగా మాస్, యాక్షన్ సినిమాలు చేసి, డిజాస్టర్లు చవిచూసిన తరువాత పక్కా ఫ్యామిలీ డ్రామా చేసి హిట్ కొట్టాడు నాగచైతన్య. మాస్, యాక్షన్ ఎంటర్ టైనర్ చేసిన ప్రతిసారీ చైతన్యను డిజాస్టర్లు పలకరించాయి. రాబోయే వెంకీమామ ఫన్ అండ్ ఎంటర్ టైన్ మెంట్ సినిమా. ఆ తరువాత దిల్ రాజు నిర్మాణంలో చేసే సినిమా కూడా లవ్ అండ్ రొమాటిక్ సినిమా అని వినికిడి.

కానీ ఆర్ఎక్స్ 100 ఫేమ్ అజయ్ భూపతి డైరక్షన్ లో చేయబోయే సినిమాలో మాత్రం పోలీస్ గా కనిపించబోతున్నాడని గ్యాసిప్ బయటకు వచ్చింది. ఆర్ ఎక్స్ 100 డైరక్టర్ ఫస్ట్ సినిమా కాస్త రఫ్ టోన్ తో వుంటుంది. విశాఖ సముద్రతీరం, మత్యకారుల నేపథ్యం, అంటే ఈసారి కూడా అదే టోన్ వుంటుందేమో అన్న అనుమానం వుంది.

మరే హీరో అయినా ఓకే కానీ, చైతన్య, యాక్షన్, రఫ్ నెస్ అంటే మాత్రం మళ్లీ సవ్యసాచి నుంచి యుద్ధంశరణం వరకు అనేక సినిమాలు కళ్ల ముందు మెదలి భయపెడతాయి. చైతన్యకు కూడా ఇప్పటికే ఈ ఫ్యాక్ట్ అర్థమై వుండాలి. అందువల్ల తెలిసీ ఈ సినిమా ఒకే చేసాడంటే, ఏదో విషయం వుండి వుండాలి.

అలావుంటే ఒకే.. లేదా కేవలం మాస్ యాక్షన్ మీద మోజుపడి మళ్లీ ఓకే అని వుంటే కాస్త అనుమానపడాల్సి వుంటుంది.

ఏపీ రాజకీయంలో ఏం జరుగుతోంది?