Epaper
పవర్ స్టార్ పవన్ కళ్యాణ్ సినిమా వ్యూహం ఏమిటి? ఆయన ప్రస్తుతం అయితే ఎన్నికల ఫలితాల కోసం వెయిట్ చేస్తున్నారు. ఫలితాలను బట్టి ఆయన సినిమా రంగ వ్యూహం ఆధారపడి వుంటుంది. అయితే ఒక ప్రాజెక్టును అయితే సిద్దంచేసి వుంచుతున్నట్లు బోగట్టా. గతంలో పవన్ తో గోపాల గోపాల సినిమా చేసిన డాలీ దర్శకత్వంలో ఓ ప్రాజెక్టును సిద్దం చేసారని తెలుస్తోంది.
పవన్ బ్యాక్ టు బ్యాక్ మూడు ప్రాజెక్టులు చేయడానికి రంగం సిద్దం చేసుకున్నారని తెలుస్తోంది. ఈ మూడు కూడా జనసేనకు సన్నిహితుడైన ఓ నిర్మాతకే చేస్తారని టాక్ వినిపిస్తోంది. ఈ మూడు ప్రాజెక్టులకు కూడా డాలీ లాంటి మిడ్ రేంజ్ డైరక్టర్లే పనిచేస్తారని తెలుస్తోంది. అందుకోసం భారీ డీల్ కుదరిందని అంటున్నారు.
కానీ త్రివిక్రమ్ డైరక్షన్ లో హారిక హాసినిలో కూడా ఓ సినిమా చేసే అవకాశం లేకపోలేదు. ఈ మేరకు కూడా ఆలోచనలు సాగుతున్నాయని తెలుస్తోంది. ఏమైనా ఇదంతా మళ్లీ తెలుగుదేశం అధికారంలోకి రావడం, పవన్ పార్టీ జనసేనకు కాస్త చెప్పకోదగిన సీట్లు రావడంపైన ఆధారపడి వుంటుంది.
పవన్ రెండుచోట్ల నుంచి అసెంబ్లీకి పోటీచేసారు. ఎమ్మెల్యేగా గెలిచి, తన పార్టీకి కొన్ని సీట్లు దక్కితే రాజకీయాల్లో బిజీ అవుతారమో చూడాలి. ఈలోగా సినిమా ప్రణాళికల ఆలోచనలు మాత్రం యథావిధిగా సాగుతున్నట్లు తెలుస్తోంది.