Epaper
సినిమాలో రెడ్లను టార్గెట్ చేయడం కొత్తకాదు. అయితే ఫ్యాక్షనిజం ఇతరత్రా వ్యవహారాల్లో ఇది వుంటుంది. అయితే ఈసారి ఫర్ ఏ ఛేంజ్ రెడ్లను జల్సా, సరదా పురుషులుగా చెప్పి, చూపించబోతున్నాడట దర్శకుడు తేజ. తేజ డైరక్షన్ లో బెల్లంకొండ శ్రీనివాస్-కాజల్ జంటగా తయారవుతున్న సినిమా సీత.
ఈ సినిమాకు అనిల్ సుంకర నిర్మాత. ఈ సినిమాలో మాంచి రసవత్తరమైన ఐటమ్ సాంగ్ వుంది. ఆర్ఎక్స్ 100 తో కుర్రాళ్ల గుండెలకు గాలంవేసి లాగేసిన పాయల్ రాజ్ పుత్ ఈ పాటకు ప్రత్యేక ఆకర్షణ. ఇప్పటికే ఈ పాట స్టిల్స్ బయటకు వచ్చి సినిమాకు బజ్ పెంచాయి.
ఈపాట మొత్తం రెడ్డిగారి పిలగాళ్ల చుట్టూ తిరుగుతుందట. బుల్లెట్ మీద వచ్చే బుల్లిరెడ్డి, రాజ్ దూత్ మీద వచ్చే రామ్ రెడ్డి, బజాజ్ మీద వచ్చే బాల్ రెడ్డి, యమహా ఎక్కి వచ్చే యాది రెడ్డి, స్టాండ్ అయినా వేయరు వాళ్లు, వస్తూనే వాళ్లతో ఎలా సచ్చేది అంటూ కవ్విస్తూ సాగుతుందట ఈ సాంగ్. సురేంద్ర కృష్ణ రాసిన ఈ సాంగ్ కు అనూప్ రూబెన్స్ స్వరాలు సమకూర్చారు.