Epaper
సూపర్ స్టార్ మహేష్ బాబు ఫ్యాన్స్ ఎదురు చూస్తున్న మహర్షి సినిమా టీజర్ రాబోతోంది. ఉగాది కానుకగా దీన్ని విడుదల చేయబోతున్నారు. టీజర్ ఎలా వుంటుందా? అని ఫ్యాన్స్ ఉత్కంఠగా ఎదురుచూస్తున్నారు. సినిమా ఓవర్ సీస్ మార్కెట్ ఇంకాకాలేదు. టీజర్ రెస్పాన్స్ బట్టి ఓవర్ సీస్ మార్కెట్ కు ఊపురావచ్చు.
ఇదిలావుంటే టీజర్ కట్ పూర్తయిందని, దాని రీరికార్డింగ్, డిటిఎస్ మిక్సింగ్ వగైరా పనులు జరుగుతున్నాయని బోగట్టా. టీజర్ లో రెండు మాంచి డైలాగులు వుంటాయని తెలుస్తోంది. అలాగే భరత్ అనే నేను సినిమాలో మైకు ముందు మాట్లాడినట్లుగా, ఈ టీజర్ లో కూడా అలాంటి సీన్ ఒకటి వుంటుందని తెలుస్తోంది. అలాగే యాక్షన్ సీన్ కోసం ఓ రౌడీని ఎత్తి కుదేసి, డైలాగ్ చెప్పే సీన్ ఒకటి వుంటుందని తెలుస్తోంది.
టీజర్ అటు క్లాస్, ఇటు మాస్ టైపులో సమానంగా ఎఫెక్ట్ వచ్చేలా కట్ చేసినట్లు తెలుస్తోంది. ఇదిలావుంటే మహర్షి సినిమాకు సంబంధించి హీరో మహేష్ బాబు డబ్బింగ్ చెప్పడం ప్రారంభించారు. పాటలు, కొద్దిపాటి ప్యాచ్ వర్క్ మినహా మిగిలినదంతా పూర్తయిందని తెలుస్తోంది. పివిపి, అశ్వనీదత్, దిల్ రాజు కలిసి నిర్మిస్తున్న ఈ సినిమాకు వంశీ పైడిపల్లి దర్శకుడు.