Epaper
1552310802.jpeg)
దర్శకుడు రాజమౌళి తన సినిమాలకు పాటించే విధానాలు అన్నీ వైవిధ్యంగా వుంటాయి. వీలయినంత గుట్టుగా పనులు చేస్తారు. పైగా పనులు చేసేది అంతా ఆయన కుంటుంబ సభ్యులే కనుక, బయటకు లీక్ అయ్యే అవకాశాలు తక్కువ వుంటాయి. అయితే అలా రాజమౌళి సినిమా అభిమానులను నిరుత్సాహపర్చరు. ఆయనే సినిమా తయారీ నుంచి విడుదల మొత్తంమీద ఒకటి రెండు సార్లు మీడియాను కలిసి ఎంతవరకు చెప్పాలో అంతా చెబుతారు.
లేటెస్ట్ గా రాజమౌళి ఆర్ ఆర్ ఆర్ సినిమాకు సంబంధించి ఇలాంటి మీట్ ఒకటి జరగబోతోంది. ప్రస్తుతానికి 14వ తేదీని మీడియా మీట్ వుంటుందని భావిస్తున్నారు. మరి ఈ మీట్ లో రాజమౌళి ఏయే విషయాలు వెల్లడిస్తారో అన్నది చూడాలి. ఆర్ఆర్ఆర్ కు సంబంధించి చాలా విషయాలు పెండింగ్ లో వున్నాయి. ముఖ్యంగా హీరోయిన్లు, విలన్ ఇంకా కీలకపాత్ర దారులు ఎవరు అన్నది తెలియాల్సి వుంది.
ఆలియా భట్, అజయ్ దేవగన్ వంటి పేర్లు వినిపిస్తున్నాయి. వీటి మీద జక్కన్న క్లారిటీ ఇస్తారా? అన్నది చూడాల్సి వుంది. సినిమా మీద, సినిమా విషయాల మీద మీడియా సంధించే ప్రశ్నలకు సమాధానాలు వస్తే ఆర్ఆర్ఆర్ కు సంబంధించి అనేక విషయాలు తెలుస్తోంది. 14దాకా వెయిట్ చేయాల్సిందే.