‘మెగా ప్లేట్’ ఎందుకు మారింది?

నిన్న ఉన్నట్లుండి మెగాక్యాంప్ నటుడు నాగబాబు తన మద్దతును బాహాటంగా మా ఎన్నికలకు సంబంధించి నరేష్ ప్యానల్ కు ప్రకటించారు. ఏదో మాట వరసగా ప్రకటించడం కాకుండా, నరేష్ ప్యానల్ ప్లస్ లు, శివాజీరాజా ప్యానల్ మైనస్ లు పక్కాగా వివరించారు.

ఇండస్ట్రీ జనాలను ఇది కాస్త ఆశ్చర్యానికి గురిచేసింది. ఇప్పటిదాకా ఇండస్ట్రీలో వున్న విషయం వేరు. శివాజీరాజా ప్యానెల్ కు మెగాక్యాంప్ మద్దతు వుందని విపరీతంగా ప్రచారం జరిగింది. ఇప్పుడు ఇలా ఎందుకు ప్లేట్ మారిందని గుసగుసలు మొదలయ్యాయి.

వినిపిస్తున్న సమాచారం ప్రకారం మెగాక్యాంప్ ముందుగా శివాజీరాజా ప్యానల్ కే అనుకూలంగా వుంది. అయితే అయితే ట్రెండ్ చూస్తుంటే నరేష్ ప్యానల్ కు అనుకూలంగా వున్నట్లు గ్రహింపుకు వచ్చినట్లు తెలుస్తోంది.

నాగబాబు స్వయంగా కొంతమందికి ఫోన్ లు చేయగా, చాలామంది శివాజీరాజాకు వ్యతిరేకంగా మాట్లాడినట్లు తెలుస్తోంది. దాంతో అన్ని వైపుల నుంచి పరిశీలించి, నరేష్ కు బాహటంగా మద్దతు ప్రకటించినట్లు తెలుస్తోంది.

మెగా ఆదేశాల మేరకే
మా ఎన్నికల్లో ట్రెండ్ ఎలా వుందో అన్నీ తెలుసుకున్న తరువాత మెగాస్టార్, శివాజీరాజా ప్యానల్ లో కొంతమందితో మాట్లాడారని టాక్ వినిపిస్తోంది. తన పేరు మా ఎన్నికల్లోకి ఎందుకు లాగుతున్నారని, తన ప్యానల్ అని ఎందుకు ప్రచారం చేస్తున్నారని వాళ్లని గట్టిగా నిలదీసినట్లు తెలుస్తోంది.

తను ఎవరి పక్షమూ కాదని, తాను అందరి వాడినని చెప్పి, ఈ మేరకు నాగబాబును క్లారిటీగా మాట్లాడమని చెప్పినట్లు తెలుస్తోంది. అందుకే నాగబాబు కూడా అంత ఓపెన్ గా సపోర్ట్ ఇచ్చి, శివాజీరాజా ప్యానల్ కు మెగా మద్దతు వుందన్న వార్తలను పక్కకుపోయేలా చేసినట్లు తెలుస్తోంది.

వంగవీటికే భయపడలేదు.. టీడీపీకి జంకుతానా.. వర్మ ధైర్యం