మహర్షికి నిడివి సమస్య?

మహేష్ బాబు-వంశీ పైడిపల్లి కాంబినేషన్ లో తయారవుతున్న సినిమా మహర్షి. ఈ సినిమా విడుదల ఇప్పటికే ఒకటికి రెండుసార్లు వెనక్కు జరిగి, ఆఖరికి మే 9న ఫిక్స్ అయింది. అయితే ఇప్పుడు ఈ సినిమాకు అసలు సిసలు సమస్య వేరే రూపంలో ఎదురవుతున్నట్లు తెలుస్తోంది.

సినిమా నిడివి దగ్గర దగ్గర నాలుగు గంటలు వచ్చిందట. క్రియేటివ్ డైరక్టర్లు అందరి విషయంలో ఇది చాలా కామన్. అయితే ఇప్పుడు ఈ నాలుగు గంటలను రెండున్నర గంటలకు తెస్తే, ఓ భారీ సినిమాకు సరిపడా నిడివి తయారవుతుంది. కానీ అసలు మూడుగంటల రేంజ్ కు తేవడమే కష్టంగా వుందని తెలుస్తోంది.

చాలా కుస్తీ పట్టి, కిందామీదా పడి కట్ చేసి, నిడివి తగ్గిస్తే మూడుగంటలకు వస్తుందని తెలుస్తోంది. అయితే షూటింగ్ బిజీలో వున్న వంశీ పైడిపల్లి ఆ పని మీద దృష్టిపెట్టాల్సి వుంది. కానీ ఎంత కట్ చేసినా, మూడు గంటల నిడివి అంటే కాస్త ఆలోచించాలేమో?

వంగవీటికే భయపడలేదు.. టీడీపీకి జంకుతానా.. వర్మ ధైర్యం