మహర్షిని వీడని కాంచన 3

అసలే దెయ్యం సినిమా. అందుకే నిను వీడని నీడను నేనే అన్నట్లు వెన్నాడుతోంది. మహర్షి సినిమా ఏప్రియల్ 25న అనుకున్నారు. అదే సమయంలో ఏప్రియల్ 18న కాంచన 3 అనుకున్నారు. సరిగ్గా వారంముందు. ఇప్పుడు మహర్షి సినిమా మే 9 అంటున్నారు. కాంచన సినిమా మే 1న వస్తోంది.

పాపం, ఇందులో కాంచన తెలుగు మేకర్ల ప్రమేయం ఏమీలేదు. కాంచన 3 తమిళ సినిమా. అక్కడ ఇక్కడ ఒకేసారి విడుదల కావాలి, అక్కడ డేట్ మారిస్తే ఇక్కడ డేట్ మారాల్సిందే. అదీ సమస్య. కాంచన సిరీస్ ఇఫ్పటి దాకా తెలుగునాట అన్నీ హిట్ లే.

ఇప్పుడు కాంచన 3 కూడా హిట్ అయితే వన్ వీక్ లో థియేటర్ల లొంచి లేవడం కష్టం. పైగా మహర్షి టూ క్లాస్ సినిమా అని వినిపిస్తోంది. రైతులు, వ్యవసాయం, లాభసాటి ఇలాంటివి అన్నీ వుంటాయి ద్వితీయార్థంలో.

కాంచన 3 పక్కా బి,సి సెంటర్ల మసాలా సినిమా. బాగుంది అనిపించుకుంటే చాలు. సమ్మర్ ఎంటర్ టైన్ మెంట్ కు ఢోకా వుండదు. పైగా కాంచన 2 సినిమా మే 1న విడుదల అయింది. మాంచి ఓపెనింగ్స్ అందుకుంది.

ఐదేళ్లలో దగాపడ్డ ఆంధ్రప్రదేశ్‌, పదేళ్లుగా ప్రభుత్వాల మోసాలే!