Epaper
వైఎస్ బయోపిక్ నే యాత్ర సినిమా అని ఎప్పటి నుంచో వినిపిస్తున్న విషయం. ఎన్టీఆర్ బయోపిక్ కథానాయకుడు. వైఎస్ బయోపిక్ యాత్ర అన్నదే ప్రచారంలో వున్న సంగతి. అయితే లేటెస్ట్ గా తెలుస్తున్న సంగతి ఏమిటంటే, యాత్ర మేకింగ్ లో కొంచెం సినిమా లిబర్టీస్ తీసుకున్నట్లు తెలుస్తోంది.
ఓ మహానాయకుడి జీవితాన్ని తెరమీదకు తెచ్చే ప్రయత్నం చేసారు. అది కూడా ఆ నాయకుడి జీవితంలోని కీలక ఘట్టమైన పాదయాత్రనే కీలకంగా తీసుకున్నారు. అంతే తప్ప బయోపిక్ ట్రంప్లెట్ తీసుకోలేదని తెలుస్తోంది.
అదే విధంగా సినిమాలో రియల్ ఫుటేజ్ వాడుకున్నారు తప్ప సినిమా కోసం జగన్ నో మరొకరో రియల్ గా కనిపించడం లేదు. నిజపాత్రలో జగన్ ఉన్నంత మాత్రాన జగన్ వచ్చి నటించడం కాదు. గతంలో తీసిన విడియోలు సినిమాలో వాడుకోవడం అన్నమాట. అంటే రియల్ ఫుటేజ్ వాడుకోవడం.
ఈవిషయంలో సినిమా యూనిట్ ముందుగానే క్లియర్ డిక్లయిమర్ ఇచ్చే ఆలోచనలో వున్నట్లు తెలుస్తోంది. లేదూ అంటే వైఎస్ లైఫ్ లో ఇలా జరిగిందా? ఆ పాత్ర ఏమిటి? ఇదేమిటి? అనే విమర్శలు ఎదుర్కోవాల్సి వస్తుందని యూనిట్ భావిస్తున్నట్లు బోగట్టా.